قر بٸلٸم جەنە عىلىم مينيسترٸ قاشىقتان وقىتۋ مەن ونلاين وقىتۋدى شاتىستىرۋعا بولمايتىنىن ايتتى. بۇل تۋرالى ورتالىق كوممۋنيكاتسييالار قىزمەتٸندە ٶتكەن مەكتەپ وقۋشىلارىنىڭ ٸV توقساندا قاشىقتتان وقۋ جٷيەسٸنە ارنالعان ونلاين كونفەرەنتسييادا ايتىلدى, دەپ حابارلايدى "ۇلت اقپارات".
«بٸز قاشىقتان وقىتۋ مەن ونلاين وقىتۋدى بٸردەي ۇعىمدا پايدالانامىز. نەگٸزٸندە قاشىقتان وقىتۋ ونلاين وقىتۋعا تەڭ ەمەس ۇعىم. قاشىقتان وقىتۋ – جاڭاعى بٸز ايتقان پوشتا, تەلەديدار, راديو, تاپسىرمالاردى ينتەرنەت ارقىلى الىپ وقۋ. وسى ەكٸ ۇعىمدى بٶلەك تانۋىمىز كەرەك. مىسالى, Bilimland.kz پلاتفورماسىندا بٷگٸنگٸ كٷنٸ 40 مىڭنان استام ەرتٷرلٸ رەسۋرس بار. وعان تٸركەلۋ, پايدالانۋ تولىعىمەن تەگٸن. قاشىقتان وقىعان كەزدە WhatsApp, ەلەكتروندى پوشتا جەنە باسقا دا مەسسەندجەرلەردٸ پايدالانۋعا بولادى. قانداي رەسۋرس ىڭعايلى سونى تولىعىمەن پايدالانۋعا بولادى. تاعى بٸر ٶتە ماڭىزدى جايت, كٶبٸ قاشىقتىقتان وقىتۋ دەگەندٸ ونلاين وقۋ دەپ ويلايدى», - دەيدٸ قر بٸلٸم جەنە عىلىم مينيسترٸ اسحات ايماعامبەتوۆ.
ونىڭ ايتۋىنشا, بٸرٸنشٸ سەۋٸردە ەلٸمٸزدە سىناق ساباقتار ٶتكٸزٸلگەن.
«سول كەزدە تەك قانا ونلاين رەجيمدە 1 ملن 250 بالا شىعىپ, دەرٸس الىپ كٶردٸ. جالپى وسى سىناق ساباققا ەرتٷرلٸ پلاتفورمادا ەلٸمٸز بويىنشا 2,5 ميلليون بالا قاتىستى. ناتيجەسٸندە جاقسى دايىندىقتى كٶردٸك. ۇستازدارىمىز قىسقا ۋاقىت ٸشٸندە قاشىقتان وقىتۋ جٷيەسٸنە باعىتتالىپ, شەبەرلٸگٸن شىڭداپ دايىندالعان ەكەن. بارلىق ۇستازدارعا العىس ايتقىم كەلەدٸ. سىناق ساباقتار كەزٸندە باسقاشا مەسەلەلەردٸ كٶردٸك. ونلاين وسىنشاما قوسىلۋدى كٶتەرمەيدٸ, سوعان بايلانىستى كٶپ ىڭعايسىزدىقتار بولدى. وعان كٶزٸمٸز جەتٸپ وتىر. تەحنيكالىق اقاۋلار جەتكٸلٸكتٸ. ينتەرنەت بۇل جٷيەنٸ كٶتەرە المادى. ونلاين وقۋدىڭ ورنىنا مەن ايتقان پلاتفورمالار ارقىلى قاشىقتان وقىتۋدى جٷرگٸزۋٸمٸز قاجەت», - دەيدٸ قر بٸلٸم جەنە عىلىم مينيسترٸ اسحات ايماعامبەتوۆ.
