فوتو: اقوردا
مەملەكەت باسشىسى تٷركٸستان قالاسىندا جاڭادان بوي كٶتەرگەن «دوستىق ٷيٸنٸڭ» جۇمىسىمەن تانىستى. بۇل تۋرالى اقوردا حابارلادى.
قاسىم-جومارت توقاەۆتىڭ ارنايى تاپسىرماسىمەن سالىنعان كەشەندە «قوعامدىق كەلٸسٸم» مەكەمەسٸ, وبلىستىق قازاقستان حالقى اسسامبلەياسى جانىنداعى ارداگەرلەر كەڭەسٸ, انالار كەڭەسٸ, مەدياتسييا كەڭەسٸ, سونداي-اق ايماقتاعى 11 ەتنومەدەني بٸرلەستٸكتٸڭ ٶكٸلدٸكتەرٸ ورنالاسقان.
مەملەكەت باسشىسى عيماراتتى ارالاپ كٶرٸپ, جەرگٸلٸكتٸ زييالى قاۋىممەن جەنە قازاقستان حالقى اسسامبلەياسىنىڭ مٷشەلەرٸمەن جٷزدەستٸ.
"قاستەرلٸ تٷركٸستان جەرٸنە ارنايى كەلٸپ وتىرمىن. تٷركٸستان ٶڭٸرٸنٸڭ كەلەشەگٸ جارقىن دەپ ويلايمىن. جاستارىمىزعا ٷلگٸ-ٶنەگە كٶرسەتٸپ جٷرگەن ارداگەرلەرگە العىس ايتقىم كەلەدٸ. ەڭ الدىمەن, جاستارعا قولداۋ بٸلدٸرۋٸمٸز كەرەك. بٸز بەرٸمٸز بٸرٸگٸپ, ەل ٷشٸن ەڭبەك ەتۋٸمٸز قاجەت. سىرتتان كەلەتٸن تەۋەكەلدەر از ەمەس. احۋالدى جاقسى بٸلەسٸزدەر. تٷركٸستان وبلىسىندا 50 ۇلت ٶكٸلٸ تۇرادى. اۋىزبٸرشٸلٸكتٸ ساقتاۋ جەنە ەلٸمٸزدٸ دامىتۋ جولىنداعى ەرەن ەڭبەكتەرٸڭٸزگە ريزاشىلىق بٸلدٸرەمٸن. قازاقستاندا ەشقاشان ەشقانداي فوبييا بولعان ەمەس, بولمايدى دا. بٸز – بٸرلٸگٸ مىعىم, تولەرانتتى, ۇستامدى ەرٸ ەڭبەكقور حالىقپىز. ەڭ باستىسى – وسى. سوندىقتان ىنتىماعى جاراسقان قوعامنىڭ ٸرگەسٸن ەلٸ دە بەكٸتە تٷسەمٸز", - دەدٸ قاسىم-جومارت توقاەۆ.
مەملەكەت باسشىسى تٷركٸستاننىڭ كٶرٸكتٸ, تازا قالاعا اينالعانىنا نازار اۋداردى. بۇل رەتتە تٷركٸستانعا وبلىس مەرتەبەسٸن بەرگەن ەلٸمٸزدٸڭ تۇڭعىش پرەزيدەنتٸ نۇرسۇلتان نازارباەۆتىڭ ەڭبەگٸ زور ەكەنٸن اتاپ ٶتتٸ.
كەزدەسۋدە اقساقالدار كەڭەسٸنٸڭ تٶراعاسى سوزاقباي ەبدٸقۇلوۆ تٷركٸستاننىڭ وبلىسقا اينالعان سەتٸنەن بەرٸ ورىن العان وڭ ٶزگەرٸستەرگە توقتالىپ, حالىق سانى تىعىز ورنالاسقان ٶڭٸرگە مەملەكەت تاراپىنان جاسالىپ جاتقان قامقورلىق ٷشٸن العىس ايتتى.
