«قازاۆتوٶندٸرٸس» كەسٸپورىندار وداعى جىل باسىنان بەرٸ ەلٸمٸزدە اۆتوكٶلٸكتەردٸ تٸركەۋ قارقىنىنا قاتىستى مەلٸمەتتەرمەن بٶلٸستٸ, دەپ حابارلايدى "ۇلت اقپارات".
كەسٸپورىندار وداعىنىڭ حابارلاۋىنشا, جىل باسىنان بەرٸ پوليتسييا ورگاندارى 1 232 872 اۆتوكٶلٸكتٸ تٸركەگەن. بۇل ٶتكەن جىلدىڭ سەيكەس كەزەڭٸمەن سالىستىرعاندا 12,2 پايىزعا جوعارى كٶرسەتكٸش. ونىڭ ٸشٸندە 1 149 542 كٶلٸك ەكٸنشٸ رەت تٸركەلگەن. ال 2019 جىلدىڭ قازان ايىنىڭ قورىتىندىسى بويىنشا تٸركەلگەن كٶلٸكتەردٸڭ سانى 139 575 بٸرلٸككە جەتٸپ وتىر.
«قازاقستاندا ەلەكتروموبيلدەرگە دەگەن سۇرانىس 2 ەسە ازايدى. 2019 جىلدىڭ 10 ايىنىڭ قورىتىندىسى بويىنشا, قازاقستان اۋماعىندا 24 ەلەكتر كٶلٸك تٸركەلگەن. ال بٸر جىل بۇرىن 10 ايدىڭ ٸشٸندە 47 ەلەكتروموبيل ساتىلعان بولاتىن. سونىمەن قاتار, 2019 جىلدىڭ باسىنان باستاپ قايتا تٸركەلگەن كٶلٸك قۇرالدارىنىڭ ٷشتەن ەكٸ بٶلٸگٸنەن استامىنىڭ (69,3%) پايدالانعانىنا 10 جىلدان اسقان. ەڭ ٷلكەن ٷلەس 20 جىلدان اسقان كٶلٸكتەرگە تيەسٸلٸ (41,7% نەمەسە 479 869 كٶلٸك). 11-20 جىلعا دەيٸنگٸ كٶلٸكتەردٸڭ ٷلەسٸ 27,6 پايىز بولسا (316 713), 4 جىلدان 7 جىلعا دەيٸنگٸ كٶلٸكتەر 20,6 پايىزدىق (236 768) دانا), 8 جاستان 10 جاسقا دەيٸنگٸ كٶلٸكتەر 6,0 پايىزدىق (68 736), 1 جىلدان 3 جىلعا دەيٸنگٸ كٶلٸكتەر 3,5 پايىزدىق (40 181) ٷلەسكە يە», - دەلٸنگەن حابارلامادا.
اۆتوكٶلٸك نارىعىنداعى ديناميكا سەرپٸنٸ وتاندىق اۆتوپاركتٸڭ بٸرتٸندەپ ەسكٸرٸپ بارا جاتقانىن كٶرسەتەدٸ. وسىلايشا, پايدالانعانىنا 20 جىلدان اسقان كٶلٸك قۇرالدارىنىڭ قايتالاما نارىقتاعى ساتىلىمداعى ٷلەسٸ 2018 جىلعى قاڭتار-قازان ايلارىنداعى 39,6 پايىزدان 41,7 پايىزعا دەيٸن ٶسكەن. ال پايدالانعانىنا 1 جىلدان 3 جىلعا دەيٸنگٸ كٶلٸك قۇرالدارى ساتىلىمىنىڭ ٷلەسٸنٸڭ تٶمەندەگەنٸ بايقالادى.
«2019 جىلدىڭ 10 ايىنىڭ قورىتىندىسى بويىنشا قايتالاما تٸركەۋلەردٸڭ ەڭ كٶبٸ - الماتى وبلىسىندا (174 410), الماتى قالاسىندا (144 324) جەنە تٷركٸستان وبلىسىندا (104 689) تٸركەلدٸ. 20 جىلدان اسقان كٶلٸكتەردٸڭ ەڭ كٶپ سانىن الماتى وبلىسىنىڭ تۇرعىندارى (99 344 بٸرلٸك; 20,7%) تٸركەدٸ. پايدالانعانىنا بٸر جىل بولماي جاتىپ ساتىلعان كٶلٸكتەردٸڭ ەڭ كٶبٸ - الماتى (1 609, 22,1%) جەنە نۇر-سۇلتان (987, 13,6%), سونىمەن قاتار اتىراۋ (640) وبلىسىندا تٸركەلدٸ», - دەلٸنگەن حابارلامادا.
