«QazAvtoÓndiris» kásiporyndar odaǵy jyl basynan beri elimizde avtokólikterdi tirkeý qarqynyna qatysty málimettermen bólisti, dep habarlaidy "Ult aqparat".
Kásiporyndar odaǵynyń habarlaýynsha, jyl basynan beri politsiia organdary 1 232 872 avtokólikti tirkegen. Bul ótken jyldyń sáikes kezeńimen salystyrǵanda 12,2 paiyzǵa joǵary kórsetkish. Onyń ishinde 1 149 542 kólik ekinshi ret tirkelgen. Al 2019 jyldyń qazan aiynyń qorytyndysy boiynsha tirkelgen kólikterdiń sany 139 575 birlikke jetip otyr.
«Qazaqstanda elektromobilderge degen suranys 2 ese azaidy. 2019 jyldyń 10 aiynyń qorytyndysy boiynsha, Qazaqstan aýmaǵynda 24 elektr kólik tirkelgen. Al bir jyl buryn 10 aidyń ishinde 47 elektromobil satylǵan bolatyn. Sonymen qatar, 2019 jyldyń basynan bastap qaita tirkelgen kólik quraldarynyń úshten eki bóliginen astamynyń (69,3%) paidalanǵanyna 10 jyldan asqan. Eń úlken úles 20 jyldan asqan kólikterge tiesili (41,7% nemese 479 869 kólik). 11-20 jylǵa deiingi kólikterdiń úlesi 27,6 paiyz bolsa (316 713), 4 jyldan 7 jylǵa deiingi kólikter 20,6 paiyzdyq (236 768) dana), 8 jastan 10 jasqa deiingi kólikter 6,0 paiyzdyq (68 736), 1 jyldan 3 jylǵa deiingi kólikter 3,5 paiyzdyq (40 181) úleske ie», - delingen habarlamada.
Avtokólik naryǵyndaǵy dinamika serpini otandyq avtoparktiń birtindep eskirip bara jatqanyn kórsetedi. Osylaisha, paidalanǵanyna 20 jyldan asqan kólik quraldarynyń qaitalama naryqtaǵy satylymdaǵy úlesi 2018 jylǵy qańtar-qazan ailaryndaǵy 39,6 paiyzdan 41,7 paiyzǵa deiin ósken. Al paidalanǵanyna 1 jyldan 3 jylǵa deiingi kólik quraldary satylymynyń úlesiniń tómendegeni baiqalady.
«2019 jyldyń 10 aiynyń qorytyndysy boiynsha qaitalama tirkeýlerdiń eń kóbi - Almaty oblysynda (174 410), Almaty qalasynda (144 324) jáne Túrkistan oblysynda (104 689) tirkeldi. 20 jyldan asqan kólikterdiń eń kóp sanyn Almaty oblysynyń turǵyndary (99 344 birlik; 20,7%) tirkedi. Paidalanǵanyna bir jyl bolmai jatyp satylǵan kólikterdiń eń kóbi - Almaty (1 609, 22,1%) jáne Nur-Sultan (987, 13,6%), sonymen qatar Atyraý (640) oblysynda tirkeldi», - delingen habarlamada.
