فوتو: اشىق دەرەككٶز
قازاقستاندا درون ارقىلى تاۋار جەتكٸزۋ قىزمەتٸ ٸسكە قوسىلادى. 26 جەلتوقساندا قر جاساندى ينتەللەكت جەنە تسيفرلىق دامۋ مينيسترلٸگٸ مەن Freedom Lifestyle ۇشقىشسىز جەتكٸزۋ سەرۆيستەرٸن دامىتۋ جٶنٸندە مەموراندۋمعا قول قويدى, دەپ حابارلايدى Ult.kz.
قۇجات اياسىندا الماتى قالاسىندا پيلوتتىق جوبا جٷزەگە اسىرىلادى. دروندار ازىق-تٷلٸك, كٷندەلٸكتٸ تۇتىنۋ تاۋارلارى مەن دەرٸ-دەرمەكتەردٸ 3 شاقىرىمعا دەيٸنگٸ راديۋستا, سالماعى 10 كەلٸگە دەيٸن جەتكٸزە الادى. ۇشۋلار كٷندٸزگٸ ۋاقىتتا جەنە قولايلى اۋا رايىندا عانا ورىندالادى.
پيلوتتىق جوبانى 2026 جىلدىڭ قاڭتار–ناۋرىز ايلارىندا ٸسكە قوسۋ جوسپارلانعان. قاۋٸپسٸزدٸك پەن تۇرعىنداردىڭ جايلىلىعىنا باسىمدىق بەرٸلەدٸ. جوبا سەتتٸ جٷزەگە اسقان جاعدايدا, درونمەن جەتكٸزۋ سەرۆيستەرٸن ەلدٸڭ باسقا ٶڭٸرلەرٸنە, سونىڭ ٸشٸندە اۋىلدىق ايماقتارعا كەڭەيتۋ كٶزدەلٸپ وتىر.
