تانىمال ەنشٸ سەرٸك يبراگيموۆ «مۋزارت» توبىنىڭ مٷشەسٸ مەيرامبەك بەسپاەۆتىڭ 50 جاس مەرەيتويىنا ەرەكشە سىيلىق جولدادى. ٶنەر يەسٸ مەرەكەلٸك كەشكە ٶزٸ قاتىسا الماسا دا, ەنشٸ اعاسىنا قۇرمەت كٶرسەتٸپ, ارنايى شاپان جاپقىزدى, دەپ حابارلايدى ult.kz.
مەيرامبەك بەسپاەۆ جارتى عاسىرلىق مەرەيتويىن تۋعان جەرٸ قىزىلوردادا شىعارماشىلىق كونتسەرتپەن اتاپ ٶتتٸ. سالتاناتتى كەشكە ەنشٸنٸڭ ٶنەردەگٸ ەرٸپتەستەرٸ, دوستارى مەن جاقىندارى جينالىپ, مەرەيتوي يەسٸنە اق تٸلەكتەرٸن ارنادى.
مەرەكەلٸك كەشكە سەرٸك يبراگيموۆ تا ارنايى سىيلىق دايىنداعان. الايدا استاناداعى شىعارماشىلىق جۇمىستارىنا بايلانىستى قىزىلورداعا بارا الماعان ەنشٸنٸڭ اتىنان بەلگٸلٸ "جايدارمان" ويىنشىسى اسىلحان دٷكەنباەۆ كٶتەرٸلٸپ, ارنايى سەلەمٸن جەتكٸزدٸ. ول ەنشٸنٸڭ اماناتىن ورىنداپ, مەيرامبەك بەسپاەۆتىڭ يىعىنا شاپان جاپتى. ول ەنشٸنٸڭ سوڭعى ۋاقىتتا كينو سالاسىندا دا بەلسەندٸ ەڭبەك ەتٸپ جٷرگەنٸن ايتىپ, كٶپشٸلٸكتٸ كٷلدٸردٸ.
"سەرٸكتٸڭ قازٸر ەنشٸلٸكتەن بٶلەك, كينو سالاسىندا جٷرگەنٸن بٸلەسٸزدەر. وسىدان ەكٸ جىل بۇرىن "زامانبەك" دەگەن كينو تٷسٸرٸپ, 1,5 ميلليارد كاسسا جيناعان. قازٸر "زامانبەك-2" دەگەن كينو تٷسٸرٸپ جاتىر. قۇنىقتى ما, بٸلمەيمٸن عوي, ەندٸ", – دەدٸ ول ەزٸلدەپ.
ونىڭ سٶزٸنشە, سەرٸك يبراگيموۆ دەل سول ۋاقىتتا استانادا ٶتكەن فيلمنٸڭ الدىن الا كٶرسەتٸلٸمٸنە قاتىسقاندىقتان, مەرەيتويلىق كونتسەرتكە كەلە الماعان.
سوعان قاراماستان, ەنشٸ مەيرامبەك بەسپاەۆقا دەگەن قۇرمەتٸن قازاقى دەستٷرمەن جەتكٸزۋدٸ جٶن كٶرگەن.
بۇدان بٶلەك, سەرٸك يبراگيموۆ Instagram پاراقشاسىندا مەرەيتوي يەسٸنە ارناپ جٷرەكجاردى تٸلەگٸن جارييالادى.
"مەيرامبەك اعامىزدىڭ 50 جاس كەشٸ قۇتتى بولسىن! اعامدى ەرەكشە جاقسى كٶرەمٸن, سىيلايمىن", – دەپ جازدى ٶنەر يەسٸ.
وسىلايشا, سەرٸك يبراگيموۆ مەرەيتويلىق كەشكە قاتىسا الماسا دا, مەيرامبەك بەسپاەۆقا دەگەن ىستىق ىقىلاسىن بٸلدٸرٸپ, ارنايى سىيلىعىن تابىستادى.
سەرٸك يبراگيموۆ كٸم?
سەرٸك يبراگيموۆ – قازاقستاندىق ەسترادا ەنشٸسٸ, "دارىن" مەملەكەتتٸك جاستار سىيلىعىنىڭ لاۋرەاتى. ول 1988 جىلى 22 قاڭتاردا قىزىلوردا وبلىسىنىڭ تٷگٸسكەن اۋىلىندا دٷنيەگە كەلگەن. بولاشاق ٶنەر يەسٸ التى باۋىرى بار كٶپبالالى وتباسىندا تەربيەلەنگەن. بەس جاسىندا العاش رەت ساحناعا شىعىپ, بالا كەزٸنەن تٷرلٸ ەن بايقاۋلارىنا قاتىسقان. توعىزىنشى سىنىپتى اياقتاعان سوڭ قىزىلوردا مۋزىكالىق كوللەدجٸنە وقۋعا تٷسكەن. كەيٸن قۇرمانعازى اتىنداعى قازاق ۇلتتىق كونسەرۆاتوريياسىندا بٸلٸمٸن جالعاستىرعان. ەنشٸ 2018 جىلى "Qazaqstan" ۇلتتىق تەلەارناسىنا بەرگەن سۇحباتىندا باتىرحان شٷكەنوۆتٸڭ ٶنەردەگٸ جولىن ٷلگٸ تۇتىپ, ٷرمەلٸ اسپاپتاردى مەڭگەرۋگە سەگٸز جىلىن ارناعانىن ايتقان.
ونىڭ "ۆوكزالدا قاۋىشقان قىز", "كەل ماعان", "جاياۋ", "قازاقپىز بەرٸمٸز" ەندەرٸ تىڭدارمانعا تانىمال. 2018 جىلى ٶنەر يەسٸ "دارىن" مەملەكەتتٸك جاستار سىيلىعىنا يە بولدى. سول جىلى ٷلكەن ساحناداعى شىعارماشىلىعىنىڭ بەس جىلدىعىنا وراي كونتسەرتتٸك ساپار ۇيىمداستىرعان
كەيٸن ەنشٸلٸكتەن بٶلەك, كينو سالاسىنا بەت بۇرىپ, 2024 جىلى جارىق كٶرگەن "Zamanback" تولىقمەتراجدى فيلمٸنٸڭ جوباسىنا قاتىستى. 2026 جىلى اتالعان فيلمنٸڭ جالعاسى "Zamanback-2" جوباسىمەن دە اينالىسىپ جٷرگەنٸ حابارلاندى.
