فوتو: اشىق دەرەككٶز
قازاقستاندا Amazon Kuiper جاڭا سپۋتنيكتٸك ينتەرنەتٸ پايدا بولادى. بۇل جايلى ينكليۋزييا جەنە ترانسفورماتسييا مەسەلەلەرٸ جٶنٸندەگٸ ازييا-تىنىق مۇحيتى كونفەرەنتسيياسى بارىسىندا تسيفرلىق دامۋ, يننوۆاتسييالار جەنە اەروعارىش مينيسترٸ جاسلان مەديەۆ ايتتى.
«Amazon Kuiper – سپۋتنيكتٸك ينتەرنەت تٷرٸ. ونى Starlink, OneWeb سىندى ينتەرنەت جٷيەلەرٸنٸڭ بالاماسى دەۋگە بولادى. بۇل بٸزگە وسى باعىتتا بەسەكەلەستٸكتٸ دامىتۋعا جەنە ازاماتتارعا قولجەتٸمدٸ باعادا جاقسى ەرٸ ساپالى قىزمەت تٷرلەرٸن ۇسىنۋعا مٷمكٸندٸك بەرەدٸ», – دەدٸ مينيستر.
ۆەدومستۆو باسشىسى كونفەرەنتسييا بارىسىندا شەتەل مەملەكەتتەرٸمەن, تٷرلٸ الپاۋىت كومپانييالارمەن تسيفرلاندىرۋدى دامىتۋ سالاسىندا كەلٸسٸمشارتتارعا قول قويىلاتىنىن ايتتى.
«قازاقستان تۇراقتى تسيفرلىق بولاشاققا ۇمتىلىپ جاتىر. بٸزدٸڭ تسيفرلىق ٷكٸمەت مەملەكەتتٸك قىزمەتتەردٸڭ ەل تۇرعىندارىنا قولجەتٸمدٸ بولۋى ٷشٸن قاجەتتٸ جۇمىستار جٷرگٸزەدٸ. بۇل ٶز كەزەگٸندە ازاماتتارىمىزدىڭ ٶمٸر سٷرۋ ساپاسىن ايتارلىقتاي جاقسارتۋعا مٷمكٸندٸك بەرەدٸ. كٶپشٸلٸككە ىڭعايلى بولۋ ٷشٸن بٸز مەملەكەتتٸك قىزمەتتەردٸ كٷندەلٸكتٸ ٶمٸردە قولداناتىن تانىمال تسيفرلىق پلاتفورمالارعا بٸرٸكتٸردٸك», – دەدٸ ماديەۆ.
جالپى مينيسترلٸك 2029 جىلدىڭ سوڭىنا دەيٸن ەلدە حالىق پەن بيزنەسكە تسيفرلىق رەسۋرستارعا تەڭ قولجەتٸمدٸلٸكتٸ قامتاماسىز ەتەتٸن تولىققاندى ەكوجٷيە قۇرۋدى جوسپارلاپ وتىر.
ەسكە سالا كەتسەك, وسىعان دەيٸن ەكس-مينيستر باعدات مۋسين يلون ماسكتٸڭ SpaceX كومپانيياسى قازاقستاننىڭ ەكٸ مىڭعا جۋىق اۋىلىنىڭ مەكتەپتەرٸن ينتەرنەتپەن قامتاماسىز ەتەتٸنٸن ايتقان بولاتىن. ول ەلٸمٸزدٸڭ وپەراتورلارى اۋىلعا ينتەرنەت جەتكٸزۋگە كەلٸسپەگەن سوڭ, امالسىزدان SpaceX-كە جٷگٸنگەنٸن مەلٸمدەگەن ەدٸ.
