Foto: ashyq derekkóz
Qazaqstanda Amazon Kuiper jańa spýtniktik interneti paida bolady. Bul jaily inkliýziia jáne transformatsiia máseleleri jónindegi Aziia-Tynyq muhity konferentsiiasy barysynda Tsifrlyq damý, innovatsiialar jáne aeroǵarysh ministri Jaslan Mádiev aitty.
«Amazon Kuiper – spýtniktik internet túri. Ony Starlink, OneWeb syndy internet júieleriniń balamasy deýge bolady. Bul bizge osy baǵytta básekelestikti damytýǵa jáne azamattarǵa qoljetimdi baǵada jaqsy ári sapaly qyzmet túrlerin usynýǵa múmkindik beredi», – dedi ministr.
Vedomstvo basshysy konferentsiia barysynda shetel memleketterimen, túrli alpaýyt kompaniialarmen tsifrlandyrýdy damytý salasynda kelisimsharttarǵa qol qoiylatynyn aitty.
«Qazaqstan turaqty tsifrlyq bolashaqqa umtylyp jatyr. Bizdiń tsifrlyq úkimet memlekettik qyzmetterdiń el turǵyndaryna qoljetimdi bolýy úshin qajetti jumystar júrgizedi. Bul óz kezeginde azamattarymyzdyń ómir súrý sapasyn aitarlyqtai jaqsartýǵa múmkindik beredi. Kópshilikke yńǵaily bolý úshin biz memlekettik qyzmetterdi kúndelikti ómirde qoldanatyn tanymal tsifrlyq platformalarǵa biriktirdik», – dedi Madiev.
Jalpy ministrlik 2029 jyldyń sońyna deiin elde halyq pen bizneske tsifrlyq resýrstarǵa teń qoljetimdilikti qamtamasyz etetin tolyqqandy ekojúie qurýdy josparlap otyr.
Eske sala ketsek, osyǵan deiin eks-ministr Baǵdat Mýsin Ilon Masktiń SpaceX kompaniiasy Qazaqstannyń eki myńǵa jýyq aýylynyń mektepterin internetpen qamtamasyz etetinin aitqan bolatyn. Ol elimizdiń operatorlary aýylǵa internet jetkizýge kelispegen soń, amalsyzdan SpaceX-ke júgingenin málimdegen edi.
