فوتو: Ult.kz
استانادا ٶتكەن حالىقارالىق فورۋم (AIF) اياسىندا ەلٸمٸزدە العاشقى حالىقارالىق اۋتلەت-ورتالىعىن سالۋ تۋرالى باس كەلٸسٸمگە قول قويىلدى, دەپ حابارلايدى Ult.kz.
اۋقىمدى جوبا الماتى وبلىسىندا QSM توبىنىڭ باستاماسىمەن جٷزەگە اسىرىلادى. جوبانىڭ ستراتەگييالىق سەرٸكتەسٸ رەتٸندە كوممەرتسييالىق جىلجىمايتىن مٷلٸك نارىعىندا 60 جىلدان استام تەجٸريبەسٸ بار اۆسترييالىق Ekazent Management GmbH كومپانيياسى تاڭدالدى. كەلٸسٸمگە قول قويۋ رەسٸمٸنە قازاقستان رەسپۋبليكاسىنىڭ ساۋدا جەنە ينتەگراتسييا مينيسترٸ ارمان شاققاليەۆ پەن اۆسترييا رەسپۋبليكاسىنىڭ قازاقستان رەسپۋبليكاسىنداعى ەلشٸسٸ اندرەا باحەر قاتىستى.
كەلٸسٸم اياسىندا Ekazent Management GmbH كومپانيياسى اۋتلەت-ورتالىقتى ورنالاستىرۋعا ەڭ قولايلى ورىندى انىقتاۋ ماقساتىندا ماركەتينگتٸك زەرتتەۋ جٷرگٸزەدٸ. سونداي-اق بولاشاق ورتالىقتىڭ ارحيتەكتۋرالىق جەنە وپەراتسييالىق تۇجىرىمداماسىن ەزٸرلەپ, باسقارۋ ستراتەگيياسىن قالىپتاستىرادى. نىسان ٸسكە قوسىلعاننان كەيٸن ونىڭ كٷندەلٸكتٸ وپەراتسييالىق باسقارۋىن دا كومپانييا ٶز موينىنا الادى. بۇدان بٶلەك, كومپانييا حالىقارالىق برەندتەر مەن جالعا الۋشىلاردى بارلىق كوممەرتسييالىق الاڭدارعا تارتۋمەن اينالىسادى.
جالپى اۋدانى 80 000-نان 120 000 شارشى مەتردٸ قامتيتىن اۋتلەت-ورتالىق اۋماعىندا ساۋدا گالەرەيالارى, قوناقٷيلەر, قوعامدىق تاماقتانۋ ورىندارى, بالالارعا ارنالعان ويىن الاڭدارى مەن باسقا دا قاجەتتٸ ينفراقۇرىلىمدىق نىساندار ورنالاسپاق.
ايتا كەتۋ كەرەك, 28 مامىردا استانادا Astana International Forum اياسىندا ٶتكەن «يتالييا – قازاقستان» ٸسكەرلٸك فورۋمىندا لوگيستيكا, ماشينا جاساۋ, اگروپەرەرابوتكا, تسيفرلاندىرۋ جەنە «جاسىل» ەنەرگەتيكا سالالارىندا جالپى سوماسى 180 ملن ەۋرونى قۇرايتىن 10 مەموراندۋم بەكٸتٸلدٸ.
فورۋمدى قر ساۋدا جەنە ينتەگراتسييا مينيسترلٸگٸ ACIK قاۋىمداستىعى جەنە ەكٸ ەلدٸڭ ەلشٸلٸكتەرٸمەن بٸرلەسٸپ ۇيىمداستىردى.
