سۋرەت: مەدەنيەت جەنە اقپارات مينيسترلٸگٸ
قازاقستاندا العاش رەت لەوناردو دا ۆينچيدٸڭ قۇپيياعا تولى بٸرەگەي جاۋھارلارىنىڭ بٸرٸ «ەدەمٸ حانشايىم» (La Bella Principessa) كارتيناسى كٶپشٸلٸك نازارىنا ۇسىنىلدى. بۇل تۋرالى مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸ مەلٸمدەدٸ.
«La Bella Principessa» – بۇل XV عاسىردىڭ سوڭىندا لەوناردو دا ۆينچيدٸڭ قولىنان شىققان يتاليالىق اقسٷيەكتەر ەۋلەتٸنەن شىققان جاس قىزدىڭ پورترەتٸ. كارتينا كەزٸندە جوعالىپ كەتٸپ, قايتادان تابىلعان. بۇل – قۇپيياعا تولى بٸرەگەي تۋىندىلاردىڭ بٸرٸ.
كٶرمەگە ارنالعان باسپاسٶز مەسليحاتىندا قر مەدەنيەت جەنە اقپارات مينيسترلٸگٸ مەدەنيەت كوميتەتٸنٸڭ تٶراعاسى كٷمٸس سەيٸتوۆانىڭ ايتۋىنشا, اتالعان ٸس-شارا قازاقستان مەن يتالييانىڭ مەدەنيەت پەن ٶنەر سالاسىنداعى ىنتىماقتاستىعىن دامىتۋعا جاڭا سەرپٸن بەرەدٸ.
«لەوناردو دا ۆينچي – ادامزات تاريحىنداعى ەڭ ۇلى تۇلعالاردىڭ بٸرٸ. ونىڭ كەسكٸندەمە, عىلىم, ينجەنەرييا جەنە اناتومييا سيياقتى كٶپتەگەن سالاداعى جەتٸستٸكتەرٸن اتاپ ٶتۋگە بولادى. ونىڭ تالانتى مەن ەلەمدٸ ٶزگەشە كٶرۋ قابٸلەتٸ بەينەلەۋ ٶنەرٸنٸڭ بٸرقاتار كەرەمەت تۋىندىلارىن جاساۋعا, ادام تانىمىنىڭ ەرتٷرلٸ سالالارىنا ايتارلىقتاي ٷلەس قوسقان عىلىمي جاڭالىقتار جاساۋعا مٷمكٸندٸك بەردٸ. قازاقستاندىقتار ٷشٸن اتى اڭىزعا اينالعان سۋرەتشٸنٸڭ جۇمىسىن ٶز كٶزٸمەن كٶرۋگە ەرەكشە مٷمكٸندٸك تۋىپ وتىر», –دەدٸ كٷمٸس سەيٸتوۆا.
ايتا كەتەيٸك, بۇرىن اتالعان كارتينا بٷكٸل ەلەم بويىنشا نەبەرٸ بەس رەت كٶرسەتٸلگەن. ەر كٶرمە سايىن سىنشىلار مەن كٶرەرمەندەردٸڭ ٷلكەن قىزىعۋشىلىعىن تۋدىرعان.
كٶرمە 7 ماۋسىم مەن 4 تامىز ارالىعىندا قر ۇلتتىق مۋزەيٸنٸڭ مۋلتيمەدييالىق زالىندا ٶتەدٸ.
