باس سانيتار دەرٸگەر ايجان ەسماعامبەتوۆا 17 سەۋٸر كٷنگٸ بريفينگ كەزٸندە قازاقستاندا بارلىعى 423 مەديتسينا قىزمەتكەرٸنەن كوروناۆيرۋس تابىلعانىن حابارلادى. ولاردىڭ باسىم بٶلٸگٸ - الماتىدا (53%). دەگەنمەن ەلدە دەرٸگەرلەر تاپشىلىعى جوق دەدٸ ەسماعامبەتوۆا. بٸرنەشە ساعات بۇرىن الماتى قالالىق قوعامدىق دەنساۋلىق باسقارماسى قالادا 234 مەديتسينا قىزمەتكەرٸنٸڭ COVID-19 اۋرۋىنا شالدىققانىن حابارلاعان بولاتىن.
- دەرٸگەرلەر تاپشىلىعىن جويۋ ماقساتىندا ەر ٶڭٸردە 10-20 پايىز ارالىعىندا رەزەرۆ قاراستىرىلعان. سوندىقتان قازٸر مەديتسينا قىزمەتكەرلەرٸ جەتكٸلٸكتٸ, - دەدٸ ايجان ەسماعامبەتوۆا.
باس سانيتار دەرٸگەر بۇعان قوسا 14 سەۋٸردە قابىلدانعان كارانتيندٸك شارالاردى كٷشەيتۋ تۋرالى قاۋلىعا سٸلتەمە جاساپ, بارلىق مەديتسينالىق مەكەمەلەردٸڭ كٷشەيتٸلگەن رەجيمگە كٶشەتٸنٸن ايتتى. وعان سەيكەس, ەربٸر مەديتسينالىق مەكەمەدەگٸ ناۋقاس "كوروناۆيرۋس جۇقتىرعان ادام" رەتٸندە قاراستىرىلادى. دەرٸگەرلەردٸڭ بارلىعى قورعانىش قۇرالدارىمەن جابدىقتالۋى تيٸس.
باس سانيتار دەرٸگەر جۇما كٷنگٸ بريفينگ كەزٸندە قىزىلوردا جەنە اتىراۋ وبلىستارىندا ۋاقىتشا قاماۋ يزولياتورىندا ەكٸ ادامنان كوروناۆيرۋس تابىلعانىن حابارلادى.
بۇعان دەيٸن اقتٶبە وبلىسىندا ۋاقىتشا قاماۋ يزولياتورىندا وتىرعان بٸر تۇرعىننان ۆيرۋس انىقتالعانى تۋرالى اقپارات شىققان. دەگەنمەن بريفينگ كەزٸندە اقتٶبەدەگٸ جاعداي ايتىلمادى.
سوڭعى مەلٸمەت بويىنشا, قازاقستاندا 1498 ادامنان كوروناۆيرۋس تابىلعان. 17 ادام قايتىس بولعان. 347 ناۋقاس جازىلعان. ايجان ەسماعامبەتوۆانىڭ ايتۋىنشا, رەسپۋبليكا بويىنشا كوروناۆيرۋس جۇقتىرعانداردىڭ كٶبەيۋٸ دەڭگەيٸ 15 پايىزعا دەيٸن اۋىتقىپ تۇر. الايدا كەيبٸر ايماقتا بۇل كٶرسەتكٸش 20-60 پايىزعا جەتكەن. باس سانيتار دەرٸگەر سول سەبەپتٸ ايماقتا كارانتين شارالارىن كٷشەيتۋ قاجەتتٸگٸن ايتتى.
ونىڭ ايتۋىنشا, الداعى ۋاقىتتا ايماقتاردا قوعامدىق كٶلٸك توقتايدى, جەكە كٶلٸكتەردٸڭ جٷرۋٸنە شەكتەۋ قويىلادى. ازىق-تٷلٸك بازارلارى, ايىرباستاۋ پۋنكتەرٸ, بانكتەر جابىلادى.
قازاقستاندا كوروناۆيرۋسقا بايلانىستى 16 ناۋرىزدا تٶتەنشە جاعداي جارييالانعان. بۇعان دەيٸن الماتى, نۇر-سۇلتان, شىمكەنت جەنە ٶزگە قالالار مەن وبلىستاردا كارانتين جارييالانعان بولاتىن.
