قازاقستان دەنساۋلىق ساقتاۋ مينيسترلٸگٸنٸڭ 23 سەۋٸر 23.40-تاعى دەرەگٸنە ساي, ەلدە تاعى 38 ادامنان كوروناۆيرۋس تابىلدى: اقتٶبە وبلىسىندا - 12, جامبىل وبلىسىندا - 10, پاۆلودار وبلىسىندا - 8, نۇر-سۇلتان قالاسىندا - 5, قىزىلوردا وبلىسىندا - 2, الماتى وبلىسىندا 1 ناۋقاس.
مينيسترلٸكتٸڭ اقپاراتىنشا, قىزىلوردادا ۆيرۋس جۇقتىرعان ەكٸ ادامنىڭ بٸرٸ - جەدەل جەردەم جٷرگٸزۋشٸسٸ. ەكٸنشٸسٸ - 66 جاستاعى زەينەتكەر, ول - بۇرىن دەرتكە شالدىققان ادامنىڭ جاقىنى.
23 سەۋٸردە قازاقستاندا 154 ادامنان ۆيرۋس انىقتالدى. الماتىدا بٸر ادام قايتىس بولدى. 45 ادام دەرتتەن ايىقتى.
وسىلايشا, قازاقستاندا كوروناۆيرۋس جۇقتىرعان 2289 ادامعا جەتتٸ. 560 ادام دەرتتەن ايىقتى. 20 ادام قايتىس بولدى.
قازاقستان دەنساۋلىق ساقتاۋ مينيسترلٸگٸ ەلدە سەۋٸردٸڭ سوڭىنا دەيٸن 2700 ادامعا, مامىردىڭ سوڭىنا دەيٸن 4000 ادامعا ۆيرۋس جۇعادى دەپ بولجايدى.
ەلدە كوروناۆيرۋسقا بايلانىستى 1 مامىرعا دەيٸن تٶتەنشە جاعداي جارييالانعان. قازاقستاننىڭ بٸراز ايماعى كارانتيندە.
ۆيرۋس تابىلعان 2289 ادام مىنا ايماقتاردا:
- الماتى قالاسى – 756
- نۇر-سۇلتان قالاسى – 428
- قىزىلوردا وبلىسى – 161
- شىمكەنت قالاسى – 133
- قاراعاندى وبلىسى – 103
- جامبىل وبلىسى – 98
- باتىس قازاقستان وبلىسى – 86
- اقمولا وبلىسى – 83
- اتىراۋ وبلىسى – 82
- تٷركٸستان وبلىسى – 77
- الماتى وبلىسى – 69
- پاۆلودار وبلىسى – 58
- اقتٶبە وبلىسى – 55
- قوستاناي وبلىسى – 36
- سولتٷستٸك قازاقستان وبلىسى – 30
- ماڭعىستاۋ وبلىسى – 19
- شىعىس قازاقستان وبلىسى – 15
