سۋرەت اشىق دەرەككٶزدەن الىندى
قازاقستاندا 2018 جىلعى ناۋرىزدان بەرٸ العاش رەت قايتالاما تۇرعىن ٷي نارىعىندا باعا تٶمەندەدٸ, - دەپ حابارلايدى Massaget.kz پورتالى ۇلتتىق ستاتيستيكا بيۋروسىنا سٸلتەمە جاساپ.
بيۋرو مەلٸمەتٸنشە, بٸر اي ٸشٸندە (2022 جىلعى جەلتوقساننان قاراشاعا دەيٸن) پەتەرلەردٸ قايتا ساتۋ قۇنى 1,5 پايىزعا تٶمەندەگەن.
"استانادا (5,1 پايىزعا), شىمكەنتتە (2,7 پايىزعا) جەنە اقتاۋدا (1,6 پايىزعا) باعا تٶمەندەگەن. سونداي-اق, جەلتوقساندا اباتتاندىرىلعان تۇرعىن ٷيدٸ جالداۋ اقىسى الدىڭعى ايمەن سالىستىرعاندا, 1,6 پايىزعا تٶمەندەدٸ. جاڭا تۇرعىن ٷيدٸ ساتۋ باعاسى, كەرٸسٸنشە, 0,4 پايىزعا قىمباتتادى", - دەلٸنگەن حابارلامادا.
بٸر جىل ٸشٸندە (2022 جىلعى جەلتوقسان مەن 2021 جىلعى جەلتوقساندى سالىستىرعاندا) قايتالاما نارىقتاعى پەتەر باعاسى 21,6 پايىزعا, جاڭا تۇرعىن ٷي باعاسى 15,6 پايىزعا ٶسكەن. 2022 جىلعى جەلتوقساندا اباتتاندىرىلعان تۇرعىن ٷيدٸ جالداۋ اقىسى 2021 جىلعى جەلتوقسانمەن سالىستىرعاندا 45 پايىزعا ٶسكەن.
ٶڭٸرلەر اراسىندا باستاپقى تۇرعىن ٷي نارىعىنداعى باعا جىلدىق مەندە ايتارلىقتاي ٶستٸ: اقتٶبەدە 29,3 پايىزعا, اقتاۋدا 26,6 پايىزعا جەنە سەمەيدە 22,3 پايىزعا. قايتالاما نارىقتا مىنا ٶڭٸرلەردە باعا ٶسكەن: سەمەي (49,6 پايىز), اقتٶبە (42,4 پايىز), قىزىلوردا (39,8 پايىز), اقتاۋ (39,3 پايىز), تالدىقورعان (32,9 پايىز), قوستاناي (32,4 پايىز). ال تۇرعىن ٷيدٸ جالعا بەرۋ نارىعىندا مىنا قالالاردا باعا كٶتەرٸلگەن: الماتى (70,5 پايىز), قوستاناي (54,6 پايىز) جەنە قاراعاندى (53,1 پايىز).
