Sýret ashyq derekkózden alyndy
Qazaqstanda 2018 jylǵy naýryzdan beri alǵash ret qaitalama turǵyn úi naryǵynda baǵa tómendedi, - dep habarlaidy Massaget.kz portaly Ulttyq statistika biýrosyna silteme jasap.
Biýro málimetinshe, bir ai ishinde (2022 jylǵy jeltoqsannan qarashaǵa deiin) páterlerdi qaita satý quny 1,5 paiyzǵa tómendegen.
"Astanada (5,1 paiyzǵa), Shymkentte (2,7 paiyzǵa) jáne Aqtaýda (1,6 paiyzǵa) baǵa tómendegen. Sondai-aq, jeltoqsanda abattandyrylǵan turǵyn úidi jaldaý aqysy aldyńǵy aimen salystyrǵanda, 1,6 paiyzǵa tómendedi. Jańa turǵyn úidi satý baǵasy, kerisinshe, 0,4 paiyzǵa qymbattady", - delingen habarlamada.
Bir jyl ishinde (2022 jylǵy jeltoqsan men 2021 jylǵy jeltoqsandy salystyrǵanda) qaitalama naryqtaǵy páter baǵasy 21,6 paiyzǵa, jańa turǵyn úi baǵasy 15,6 paiyzǵa ósken. 2022 jylǵy jeltoqsanda abattandyrylǵan turǵyn úidi jaldaý aqysy 2021 jylǵy jeltoqsanmen salystyrǵanda 45 paiyzǵa ósken.
Óńirler arasynda bastapqy turǵyn úi naryǵyndaǵy baǵa jyldyq mánde aitarlyqtai ósti: Aqtóbede 29,3 paiyzǵa, Aqtaýda 26,6 paiyzǵa jáne Semeide 22,3 paiyzǵa. Qaitalama naryqta myna óńirlerde baǵa ósken: Semei (49,6 paiyz), Aqtóbe (42,4 paiyz), Qyzylorda (39,8 paiyz), Aqtaý (39,3 paiyz), Taldyqorǵan (32,9 paiyz), Qostanai (32,4 paiyz). Al turǵyn úidi jalǵa berý naryǵynda myna qalalarda baǵa kóterilgen: Almaty (70,5 paiyz), Qostanai (54,6 paiyz) jáne Qaraǵandy (53,1 paiyz).
