مەملەكەت باسشىسى قاسىم-جومارت توقاەۆ Euronews-كە بەرگەن سۇقباتىندا رەسەيمەن قارىم-قاتىناستى ودان ەرٸ دامىتۋ مەسەلەسٸنە توقتالدى, دەپ حابارلايدى Sputnik اگەنتتٸگٸ.
پرەزيدەنت ٶز قىزمەتٸنە كٸرٸسكەننەن كەيٸن ەكٸ اپتادان سوڭ نەگە رەسەيگە بارعانىن ايتتى.
"ٶزٸمنٸڭ العاشقى شەتەلدٸك ساپارىمدى رەسەيدەن باستاۋىم ورىندى دەپ ويلايمىن. مۇندا مەنٸ رەسەي پرەزيدەنتٸ شاقىرعان بولاتىن. بٸزدٸ قۇرلىق بويىنشا ەلەمدەگٸ ەڭ ۇزىن شەكارا بايلانىستىرىپ ەرٸ بٶلٸپ تۇر", - دەدٸ توقاەۆ Euronews-كە.
ول مەسكەۋدە ماڭىزدى كەلٸسسٶزدەر جٷرگٸزٸلگەنٸن اتاپ ٶتتٸ.
"بٸز بٸرلەسكەن مەلٸمدەمەگە قول قويدىق. سٸز ايتقانداي قانداي دا بٸر كەپٸلدٸككە بايلانىستى رەسەي پرەزيدەنتٸ تاراپىنان تالاپ قويىلعان جوق. ٶيتكەنٸ ەرٸپتەستٸكتٸ نىعايتۋدىڭ ورتاق تٷسٸنٸگٸ بار. مەن قازاقستان ٷشٸن رەسەي ماڭىزدى سەرٸكتەس دەپ ويلايمىن. ٶيتكەنٸ ٷلكەن مەملەكەت, بٸزدٸڭ كٶرشٸمٸز, بۇۇ قاۋٸپسٸزدٸك كەڭەسٸنٸڭ تۇراقتى مٷشەسٸ. الايدا رەسەي دە قازاقستانسىز باسقاشا بولادى دەپ ويلايمىن", - دەدٸ پرەزيدەنت.
ەسكە سالا كەتسەك, قاسىم-جومارت توقاەۆ 20 ناۋرىز كٷنٸ مەملەكەت باسشىسى قىزمەتٸنە كٸرٸسكەن بولاتىن.
سەۋٸر ايىنىڭ باسىندا رەسمي ساپارمەن رەسەيگە باردى.
9 ماۋسىم كٷنٸ قازاقستاندا پرەزيدەنت سايلاۋى ٶتتٸ. قاسىم-جومارت توقاەۆتى قازاقستاندىقتاردىڭ 70,96%-ٸ قولدادى.
سايلاۋدان كەيٸنگٸ بٸرٸنشٸ باسپاسٶز مەسليحاتىندا توقاەۆ قازاقستان رەسەيمەن ەرٸپتەستٸكتٸ نىعايتۋدى جالعاستىراتىنىن ايتقان بولاتىن.
