قازاقستان ٷكٸمەتٸ وتستاۆكاعا كەتۋگە دايىندالىپ جاتىر

پارلامەنت سايلاۋىنان كەيٸن مينيسترلەر كابينەتٸنٸڭ ٶكٸلەتتٸگٸ توقتاتىلادى. بۇل – زاڭنىڭ تالابى. بۇل تۋرالى Sputnik Kazakhstan جازدى.

جەكسەنبٸ, 10 قاڭتار كٷنٸ قازاقستاندا پارلامەنتتٸڭ تٶمەنگٸ پالاتاسى – مەجٸلٸس دەپۋتاتتارىنىڭ سايلاۋى ٶتتٸ. ورتالىق سايلاۋ كوميسسيياسىنىڭ الدىن الا قورىتىندىسى بويىنشا پارلامەنتكە ٷش پارتييا ٶتٸپ وتىر:

• "Nur Otan" پارتيياسى –71,09 %;

• "اق جول" دەموكراتييالىق پارتيياسى – 10,95 %;

• قازاقستاننىڭ حالىق پارتيياسى (بۇرىنعى كوممۋنيستەر) –9,10 %.

"اۋىل" حالىقتىق-دەموكراتييالىق پارتيياسى مەن "ادال" ساياسي پارتيياسى جەتٸ پروتسەنتتٸك شەكتٸ باعىندىرا المادى.

ايتا كەتسەك, قازٸرگٸ پرەمەر-مينيستر اسقار مامين Nur Otan-نىڭ اتىنان ۇسىنىلعان مەجٸلٸس دەپۋتاتتىعىنا ٷمٸتكەرلەردٸڭ تٸزٸمٸنە ەنگەن بولاتىن. پارتييالىق تٸزٸمدە 126 ادام بار.

"قازاقستان رەسپۋبليكاسىنىڭ ٷكٸمەت تۋرالى" كونستيتۋتسييالىق زاڭعا سەيكەس, ٷكٸمەت پارلامەنت مەجٸلٸسٸنiڭ ٶكiلەتتiك مەرزiمi شەگٸندە جۇمىس ٸستەيدٸ جەنە جاڭادان سايلانعان مەجٸلٸستٸڭ الدىندا ٶز ٶكiلەتتiگiن دوعارادى. پرەمەر-مينيستر مەن مينيسترلەر ٷكiمەتتٸڭ جاڭا قۇرامى بەكiتiلگەنگە دەيiن ٶز مiندەتٸن اتقارا بەرەدi.

"بٸزدٸڭ زاڭناماعا سەيكەس, ٷكٸمەت وتستاۆكاعا كەتۋٸ تيٸس. مەن سايلاۋ اياقتالعاننان كەيٸن پارلامەنتكە بارامىن. فراكتسييا جەتەكشٸلەرٸمەن, دەپۋتاتتاردىڭ جاڭا قۇرامىمەن پرەمەر-مينيستر مەن ٷكٸمەت مٷشەلەرٸنٸڭ كانديداتۋراسىن اقىلداسامىن", - دەدٸ توقاەۆ 10 قاڭتاردا جۋرناليستەرگە بەرگەن بريفينگتە.

پرەمەر-مينيستر تاعايىندالعاننان كەيiن ون كٷننٸڭ ٸشٸندە ٷكiمەتتiڭ قۇرىلىمى مەن قۇرامى تۋرالى ۇسىنىستاردى پرەزيدەنتتٸڭ قاراۋىنا ەنگiزەدi. بۇدان بٶلەك, ول ٷكٸمەت مٷشەلٸگٸنە ٷمٸتكەر ەربٸر ادامنىڭ كانديداتۋراسىن مەجٸلٸستٸڭ تالقىلاۋىنا شىعارادى. بٸراق ولاردىڭ قاتارىنا سىرتقى ٸستەر, قورعانىس پەن ٸشكٸ ٸستەر مينيسترلەرٸ كٸرمەيدٸ.

ماميننٸڭ ٷكٸمەتٸ: قىزىقتى دەرەكتەر

اسقار مامين پرەمەر-مينيسترلٸككە 2019 جىلى تاعايىندالدى. اقپان ايىندا ەكٸ جىل بولادى. بۇعان دەيٸن باقىتجان ساعىنتاەۆ ٷكٸمەتٸنٸڭ قۇرامىندا پرەمەر-مينيستردٸڭ ورىنباسارى قىزمەتٸن اتقارعان.

باقىتجان ساعىنتاەۆ ٷكٸمەتتٸ ەكٸ جارىم جىلداي باسقاردى. بٸراق سول كەزدەگٸ پرەزيدەنت نۇرسۇلتان نازارباەۆ مينيسترلەر كابينەتٸن سىنعا الىپ, ەكونوميكانى كٶتەرە الماعانى ٷشٸن وتستاۆكاعا جٸبەردٸ. ارتىنان ول مەملەكەتتٸك حاتشى قىزمەتٸنە تاعايىندالدى.

جاڭا ٷكٸمەتتٸ بەكٸتكەننەن كەيٸن نۇرسۇلتان نازارباەۆتىڭ ٶزٸ وتستاۆكاعا كەتتٸ. ال ونىڭ ورنىنا كەلگەن قاسىم-جومارت توقاەۆ ٷكٸمەتتٸڭ قۇرامىن ساقتاپ قالدى. بٸراق ٶتكەن جىلى جازدا كوروناۆيرۋس پاندەميياسى ٶرشٸپ كەتكەندە مينيسترلەردٸ وتستاۆكاعا جٸبەرٸپ قويا جازداعان. سەبەبٸ بٸرٸنشٸ باسشىلار ٶز مٸندەتتەرٸن دۇرىس اتقارمادى. قاسىم-جومارت توقاەۆ وسىنداي ۇسىنىستىڭ بولعانىن اشىق ايتتى.

"اشىعىن ايتايىن: وسى وتىرىسقا دايىندالىپ جٷرگەندە ماعان كەيبٸر ٶڭٸرلەر مەن ۆەدومستۆولاردىڭ بٸرٸنشٸ باسشىلارىن جۇمىستان شىعارۋعا, تٸپتٸ بٷكٸل ٷكٸمەتتٸ وتستاۆكاعا جٸبەرۋگە كەڭەس بەردٸ. مۇنداي شەشٸمدٸ قوعام جاقسى قابىلدايدى, ۇپاي جينايسىز دەدٸ. بٸراق, ماعان ۇپاي مٷلدە كەرەك ەمەس. مەن جاۋاپتى ادامداردى تىڭداۋعا جەنە قۇلاق اسۋعا دايىنمىن, بٸراق جۇرت الدىندا ۇپاي جيناعىم كەلمەيدٸ. بۇعان جاسىم دا, لاۋازىمىم دا ساي ەمەس", - دەگەن ەدٸ توقاەۆ ٷكٸمەتتٸڭ كەڭەيتٸلگەن وتىرىسىندا.

مينيسترلەر كابينەتٸنٸڭ قازٸرگٸ قۇرامى:

ايتا كەتەيٸك, ٷكٸمەتتٸڭ قۇرامىندا 18 مينيستر بار. ولاردىڭ ەكەۋٸ ەيەل - مەدەنيەت جەنە سپورت مينيسترٸ اقتوتى رايىمقۇلوۆا مەن اقپارات جەنە قوعامدىق دامۋ مينيسترٸ ايدا بالاەۆا. ال ەڭ جاس باسشى - تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين (37 جاستا). ەگدە جاستاعى مينيستر - ٸشكٸ ٸستەر مينيسترٸ ەرلان تۇرعىمباەۆ (58 جاستا). قازاقستاندىق مينيسترلەردٸڭ ورتاشا جاسى – 49,7. ٷكٸمەت باسشىسى اسقار ماميننٸڭ ٶزٸ 55 جاستا.