Parlament sailaýynan keiin ministrler kabinetiniń ókilettigi toqtatylady. Bul – zańnyń talaby. Bul týraly Sputnik Kazakhstan jazdy.
Jeksenbi, 10 qańtar kúni Qazaqstanda parlamenttiń tómengi palatasy – májilis depýtattarynyń sailaýy ótti. Ortalyq sailaý komissiiasynyń aldyn ala qorytyndysy boiynsha parlamentke úsh partiia ótip otyr:
-
"Nur Otan" partiiasy –71,09 %;
-
"Aq jol" demokratiialyq partiiasy – 10,95 %;
-
Qazaqstannyń halyq partiiasy (burynǵy kommýnister) –9,10 %.
"Aýyl" halyqtyq-demokratiialyq partiiasy men "Adal" saiasi partiiasy jeti protsenttik shekti baǵyndyra almady.
Aita ketsek, qazirgi premer-ministr Asqar Mamin Nur Otan-nyń atynan usynylǵan májilis depýtattyǵyna úmitkerlerdiń tizimine engen bolatyn. Partiialyq tizimde 126 adam bar.
"Qazaqstan Respýblikasynyń úkimet týraly" konstitýtsiialyq zańǵa sáikes, úkimet parlament májilisiniń ókilettik merzimi sheginde jumys isteidi jáne jańadan sailanǵan májilistiń aldynda óz ókilettigin doǵarady. Premer-ministr men ministrler úkimettiń jańa quramy bekitilgenge deiin óz mindetin atqara beredi.
"Bizdiń zańnamaǵa sáikes, úkimet otstavkaǵa ketýi tiis. Men sailaý aiaqtalǵannan keiin parlamentke baramyn. Fraktsiia jetekshilerimen, depýtattardyń jańa quramymen premer-ministr men úkimet músheleriniń kandidatýrasyn aqyldasamyn", - dedi Toqaev 10 qańtarda jýrnalisterge bergen brifingte.
Premer-ministr taǵaiyndalǵannan keiin on kúnniń ishinde úkimettiń qurylymy men quramy týraly usynystardy prezidenttiń qaraýyna engizedi. Budan bólek, ol úkimet músheligine úmitker árbir adamnyń kandidatýrasyn májilistiń talqylaýyna shyǵarady. Biraq olardyń qataryna syrtqy ister, qorǵanys pen ishki ister ministrleri kirmeidi.
Maminniń úkimeti: qyzyqty derekter
Asqar Mamin premer-ministrlikke 2019 jyly taǵaiyndaldy. Aqpan aiynda eki jyl bolady. Buǵan deiin Baqytjan Saǵyntaev úkimetiniń quramynda premer-ministrdiń orynbasary qyzmetin atqarǵan.
Baqytjan Saǵyntaev úkimetti eki jarym jyldai basqardy. Biraq sol kezdegi prezident Nursultan Nazarbaev ministrler kabinetin synǵa alyp, ekonomikany kótere almaǵany úshin otstavkaǵa jiberdi. Artynan ol memlekettik hatshy qyzmetine taǵaiyndaldy.
Jańa úkimetti bekitkennen keiin Nursultan Nazarbaevtyń ózi otstavkaǵa ketti. Al onyń ornyna kelgen Qasym-Jomart Toqaev úkimettiń quramyn saqtap qaldy. Biraq ótken jyly jazda koronavirýs pandemiiasy órship ketkende ministrlerdi otstavkaǵa jiberip qoia jazdaǵan. Sebebi birinshi basshylar óz mindetterin durys atqarmady. Qasym-Jomart Toqaev osyndai usynystyń bolǵanyn ashyq aitty.
"Ashyǵyn aitaiyn: osy otyrysqa daiyndalyp júrgende maǵan keibir óńirler men vedomstvolardyń birinshi basshylaryn jumystan shyǵarýǵa, tipti búkil úkimetti otstavkaǵa jiberýge keńes berdi. Mundai sheshimdi qoǵam jaqsy qabyldaidy, upai jinaisyz dedi. Biraq, maǵan upai múlde kerek emes. Men jaýapty adamdardy tyńdaýǵa jáne qulaq asýǵa daiynmyn, biraq jurt aldynda upai jinaǵym kelmeidi. Buǵan jasym da, laýazymym da sai emes", - degen edi Toqaev úkimettiń keńeitilgen otyrysynda.
Ministrler kabinetiniń qazirgi quramy:
Aita keteiik, úkimettiń quramynda 18 ministr bar. Olardyń ekeýi áiel - mádeniet jáne sport ministri Aqtoty Raiymqulova men aqparat jáne qoǵamdyq damý ministri Aida Balaeva. Al eń jas basshy - Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin (37 jasta). Egde jastaǵy ministr - ishki ister ministri Erlan Turǵymbaev (58 jasta). Qazaqstandyq ministrlerdiń ortasha jasy – 49,7. Úkimet basshysy Asqar Maminniń ózi 55 jasta.
