© AP Photo / Bela Szandelszky
قازاقستاننىڭ شىعىسىنا گاز تارتۋ ٷشٸن رەسەيدەن گاز يمپورتتاۋ مٷمكٸندٸگٸ قاراستىرىلىپ جاتىر. بۇل تۋرالى ەنەرگەتيكا مينيسترٸ بولات اقشولاقوۆ ايتتى, دەپ حابارلايدى Sputnik قازاقستان.
ول ٷكٸمەت كۋلۋارىندا رەسەيدەن گاز يمپورتى مەسەلەسٸ ەلٸ قاراستىرىلىپ جاتقانىن, ناقتى شەشٸم قابىلدانباعانىن اتاپ ٶتتٸ.
"بٸرٸنشٸ سەبەبٸ – تەحنيكالىق جاعدايدى انىقتاۋ كەرەك. ەكٸنشٸدەن باعانى كەلٸسۋ قاجەت. بٸز شىعىس پەن سولتٷستٸكتٸ گازداندىرۋ ٷشٸن بٸرنەشە جولدى قاراستىرىپ جاتىرمىز. ەڭ جىلدام جولى, ەرينە, كٶرشٸلەس رەسەيدەن الىپ كەلۋ. ول كٶپ قاراجاتتى قاجەت ەتپەيدٸ. بٸراق ونىڭ مەسەلەسٸ باعاسىندا", - دەدٸ اقشولاقوۆ جۋرناليستەر سۇراعىنا جاۋاپ بەرٸپ.
مينيستر قازاقستان مەن رەسەي اراسىنداعى گاز سالاسىنداعى ىنتىماقتاستىق جٶنٸندەگٸ جول كارتاسىندا باعا مەسەلەسٸ كٶرسەتٸلمەگەنٸن اتاپ ٶتتٸ. ول ٷشٸن كوممەرتسييالىق كەلٸسسٶز جٷرگٸزۋ قاجەت.
"رەسەيدەگٸ ەرٸپتەستەرٸمٸز گاز بەرەتٸن نٷكتەنٸ بەكٸتۋٸ كەرەك. بارناۋىل نەمەسە ومبىدان تارتىلا ما, قازٸر ولار گاز قاي جەردە جەتكٸلٸكتٸ, سونى ەسەپتەپ جاتىر", - دەدٸ اقشولاقوۆ.
سونداي-اق "بەينەۋ-بوزوي-شىمكەنت" گاز قۇبىرىنىڭ قۋاتىن ۇلعايتقاننان كەيٸن "سارىارقا" ماگيسترالدىق گاز قۇبىرىنىڭ 2-3-شٸ كەزەڭدەرٸن سالۋ (قۇنى 188,5 ملرد تەڭگە) ارقىلى اقمولا جەنە سولتٷستٸك قازاقستان وبلىستارىن گازداندىرۋ ۇسىنىلىپ وتىر.
"قولدانىستاعى "بەينەۋ-بوزوي-شىمكەنت" قۇبىرى تولىق جەنە قىسقى مەزگٸلدە ارتىق ورىن جوق. بٸراق تۇتىنۋشىلاردىڭ كٶلەمٸ ٶسٸپ جاتىر. ولاردىڭ بەرٸن جابدىقتاۋ ٷشٸن وعان گاز قۇبىرى كەرەك", - دەدٸ مينيستر.
ٷكٸمەت وتىرىسىندا ەنەرگەتيكا مينيسترٸ بولات اقشولاقوۆ شىعىس ٶڭٸرلەردٸ گازداندىرۋ ٷشٸن ەكٸ نۇسقا قاراستىرىلىپ جاتقانىن مەلٸمدەگەن بولاتىن.
بٸرٸنشٸ نۇسقا, "قوستاناي-استانا-پاۆلودار-سەمەي-ٶسكەمەن" باعىتى بويىنشا گاز قۇبىرىن سالۋ. بۇل قوماقتى قاراجات سالۋدى (2022 جىلعى باعامەن شامامەن 778 ملرد تەڭگە), سالىنعان ينۆەستيتسييالاردىڭ ٶتەمدٸلٸگٸن قامتاماسىز ەتۋ ٷشٸن تۇتىنۋشىلارعا گاز تاريفتەرٸن ۇلعايتۋدى, سونداي-اق گاز كەن ورىندارىنىڭ جاڭا رەسۋرستارىن يگەرۋگە تارتۋدى تالاپ ەتەدٸ. مينيسترلٸكتٸڭ بولجامىنشا ورتا ەسەپپەن 7-10 جىل قاجەت.
ەكٸنشٸ نۇسقا, قازاقستان مەن رەسەي اراسىنداعى گاز سالاسىنداعى ىنتىماقتاستىق جٶنٸندەگٸ جول كارتاسى اياسىندا رەسەي فەدەراتسيياسىنان گاز يمپورتى.
"بٷگٸنگٸ تاڭدا قازاقگاز گازپروممەن بٸرلەسٸپ "رەسەي – قازاقستان – قىتاي" حالىقارالىق گاز قۇبىرىن سالۋ مەسەلەلەرٸن زەردەلەۋ ٷشٸن الدىن الا تەن ەزٸرلەۋ مەسەلەسٸن پىسىقتاۋدا", - دەدٸ مينيستر ٷكٸمەت وتىرىسىندا.
2022 جىلدىڭ قورىتىندىسى بويىنشا ەلدٸ گازداندىرۋدىڭ جالپى دەڭگەيٸ حالىقتىڭ جالپى سانىنىڭ 59%-ٸن قۇرادى نەمەسە 11,6 ملن ادام گازعا قول جەتكٸزدٸ.
