قر سىرتقى ٸستەر مينيسترٸ قايرات ەبدٸراحمانوۆ پەن يادرولىق سىناقتارعا جاپپاي تىيىم سالۋ تۋرالى شارت ۇيىمىنىڭ اتقارۋشى حاتشىسى لاسسين زەربو بٸرلەسكەن مەلٸمدەمە قابىلدادى, دەپ حابارلايدى قازاقپارات تٸلشٸسٸ.
مەلٸمدەمە مەتٸنٸ ەلوردادا ٶتٸپ جاتقان «ٶتكەندٸ ەسكە الىپ, بولاشاققا كٶز تٸك» اتتى حالىقارالىق كونفەرەنتسييادا جارييا ەتٸلدٸ.
«قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆتىڭ باستاماسىمەن بٸرٸككەن ۇلتتار ۇيىمىنىڭ باس اسسامبلەياسى جارييا ەتكەن حالىقارالىق يادرولىق سىناقتارعا قارسى ٸس-قيمىل كٷنٸنە وراي بٸز يادرولىق سىناقتان ازات ەلەم قۇرۋعا شىنايى بەرٸلگەندٸگٸمٸزدٸ قۋاتتايمىز جەنە يادرولىق سىناقتارعا جاپپاي تىيىم سالۋ تۋرالى شارتىنىڭ كٷشٸنە ەنۋٸنە قولجەتكٸزۋگە تاباندىلىق تانىتاتىندىعىمىزدى تاعى دا مەلٸمدەيمٸز», - دەلٸنگەن مەلٸمدەمەدە.
سونىمەن قاتار تاراپتار 29 تامىزدىڭ قازاقستان ٷشٸن نىشاندىق مەنٸ بار ەكەندٸگٸن اتاپ ٶتكەن. ٶيتكەنٸ, 1991 جىلدىڭ دەل وسى كٷنٸندە سەمەي يادرولىق پوليگونى جابىلعان بولاتىن.
«1991 جىلدىڭ 29 تامىزىندا قازاقستان پرەزيدەنتٸ جٷزەگە اسىرعان سەمەي پوليگونىن جابۋ تۋرالى تاريحي شەشٸم قۋاتتى ساياسي جولداۋ بولىپ سانالادى جەنە حالىقارالىق كٷش-جٸگەردٸڭ جەردەمٸمەن 1996 جىلى يادرولىق سىناقتارعا جاپپاي تىيىم سالۋ تۋرالى شارتتىڭ قابىلدانۋىنا تٷرتكٸ بولدى. كٶپتەگەن جىلدار بويى قازاقستان يادرولىق سىناقتارعا جاپپاي تىيىم سالۋ تۋرالى شارت ۇيىمىنا جان-جاقتى قولداۋ كٶرسەتتٸ جەنە يادرولىق قارۋدى جويۋعا تاباندى تٷردە قولداپ كەلدٸ», - دەلٸنگەن مەلٸمدەمەدە.
