QR Syrtqy ister ministri Qairat Ábdirahmanov pen Iadrolyq synaqtarǵa jappai tyiym salý týraly shart uiymynyń atqarýshy hatshysy Lassin Zerbo birlesken málimdeme qabyldady, dep habarlaidy QazAqparat tilshisi.
Málimdeme mátini elordada ótip jatqan «Ótkendi eske alyp, bolashaqqa kóz tik» atty halyqaralyq konferentsiiada jariia etildi.
«Qazaqstan Respýblikasynyń Prezidenti Nursultan Nazarbaevtyń bastamasymen Birikken Ulttar Uiymynyń Bas assambleiasy jariia etken Halyqaralyq iadrolyq synaqtarǵa qarsy is-qimyl kúnine orai biz iadrolyq synaqtan azat álem qurýǵa shynaiy berilgendigimizdi qýattaimyz jáne Iadrolyq synaqtarǵa jappai tyiym salý týraly shartynyń kúshine enýine qoljetkizýge tabandylyq tanytatyndyǵymyzdy taǵy da málimdeimiz», - delingen málimdemede.
Sonymen qatar taraptar 29 tamyzdyń Qazaqstan úshin nyshandyq máni bar ekendigin atap ótken. Óitkeni, 1991 jyldyń dál osy kúninde Semei iadrolyq poligony jabylǵan bolatyn.
«1991 jyldyń 29 tamyzynda Qazaqstan Prezidenti júzege asyrǵan Semei poligonyn jabý týraly tarihi sheshim qýatty saiasi joldaý bolyp sanalady jáne halyqaralyq kúsh-jigerdiń járdemimen 1996 jyly Iadrolyq synaqtarǵa jappai tyiym salý týraly sharttyń qabyldanýyna túrtki boldy. Kóptegen jyldar boiy Qazaqstan Iadrolyq synaqtarǵa jappai tyiym salý týraly shart uiymyna jan-jaqty qoldaý kórsetti jáne iadrolyq qarýdy joiýǵa tabandy túrde qoldap keldi», - delingen málimdemede.
