فوتو: Akorda.kz
تەۋەلسٸزدٸك سارايىندا قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆتى سالتاناتتى ۇلىقتاۋ رەسٸمٸ ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەتتٸك تۋ مەن پرەزيدەنت بايراعى, سونداي-اق قازاقستان رەسپۋبليكاسىنىڭ كونستيتۋتسيياسى تەۋەلسٸزدٸك سارايىنىڭ ٷلكەن زالىنا ەكەلٸنگەن سوڭ, قازاقستان رەسپۋبليكاسىنىڭ پرەزيدەنتٸ مٸنبەرگە كٶتەرٸلدٸ.
كونستيتۋتسييانىڭ 42-بابىنا سەيكەس, قاسىم-جومارت توقاەۆ حالىققا انت بەردٸ.
«قازاقستان حالقىنا ادال قىزمەت ەتۋگە, قازاقستان رەسپۋبليكاسىنىڭ كونستيتۋتسيياسى مەن زاڭدارىن قاتاڭ ساقتاۋعا, ازاماتتاردىڭ قۇقىقتارى مەن بوستاندىقتارىنا كەپٸلدٸك بەرۋگە, قازاقستان رەسپۋبليكاسى پرەزيدەنتٸنٸڭ ٶزٸمە جٷكتەلگەن مەرتەبەلٸ مٸندەتٸن ادال اتقارۋعا سالتاناتتى تٷردە انت ەتەمٸن!» - دەدٸ ول.
سايلانعان قازاقستان پرەزيدەنتٸنٸڭ قىزمەتكە كٸرٸسۋ قۇرمەتٸنە وراي مەملەكەتتٸك ەنۇران وينالىپ, زەڭبٸرەكتەردەن 21 رەت وق اتىلدى. ال «اقوردا» رەزيدەنتسيياسىنىڭ ٷستٸندە مەملەكەتتٸك تۋ كٶتەرٸلدٸ.
ورتالىق سايلاۋ كوميسسيياسىنىڭ تٶراعاسى نۇرلان ەبدٸروۆ قاسىم-جومارت توقاەۆقا قازاقستان رەسپۋبليكاسى پرەزيدەنتٸنٸڭ كۋەلٸگٸن تاپسىردى.
مەملەكەت باسشىسى سالتاناتتى ۇلىقتاۋ رەسٸمٸندە سٶيلەگەن سٶزٸندە ٶزٸنە زور سەنٸم ارتقان بارشا وتانداسىنا العىس ايتتى.
– حالىقتىڭ سەنٸمٸ – ەڭ قۇندى نەرسە. سايلاۋ نەتيجەسٸن حالقىمىزدىڭ ساياسي باعدارىما – باعاسى, الداعى جوسپارىما – باتاسى دەپ قابىلدايمىن. حالقىنىڭ قولداۋىنا يە بولىپ, ەل تٸزگٸنٸن ۇستاۋ – ەر ازامات ٷشٸن ەڭ بيٸك مەرتەبە ەرٸ وراسان زور جاۋاپكەرشٸلٸك. الداعى 7 جىلدى بٷگٸنگٸ بۋىننىڭ جەنە كەلەشەك ۇرپاقتىڭ الدىنداعى بورىشىمدى ٶتەۋگە بەرٸلگەن بٸرەگەي مٷمكٸندٸك دەپ بٸلەمٸن. قازاقتا «امانات» دەگەن اسىل ۇعىم بار. حالقىمنىڭ سەنٸمٸ – ماعان امانات. وسى اماناتقا ادال بولۋ – مەن ٷشٸن قاسيەتتٸ پارىز. ەل ٷمٸتٸن اقتاپ, قازاقستاندى ٶركەندەگەن, باقۋاتتى مەملەكەتكە اينالدىرۋ ٷشٸن قولىمنان كەلگەننٸڭ بەرٸن جاسايمىن, – دەدٸ قاسىم-جومارت توقاەۆ.
سونداي-اق, پرەزيدەنت الداعى قىزمەتٸنٸڭ بٸرقاتار نەگٸزگٸ باعىتىن اتاپ ٶتتٸ. مەملەكەت باسشىسىنىڭ ايتۋىنشا, شىنايى زاڭ ٷستەمدٸگٸن قامتاماسىز ەتپەي, ەدٸلەتتٸ ەرٸ نارىقتىق ەكونوميكانى قۇرۋ, جەكە مەنشٸكتٸ قورعاۋ, بەسەكەلەستٸكتٸ دامىتۋ, سىبايلاس جەمقورلىقتى جويۋ مٷمكٸن ەمەس. ەلٸمٸز دامۋ جولىندا, نەگٸزٸنەن, ٶز كٷشٸنە سەنەدٸ. سونىمەن قاتار شەتەلدەن تٸكەلەي ينۆەستيتسييا تارتا وتىرىپ, تٷرلٸ سالاداعى حالىقارالىق ىنتىماقتاستىقتى بەلسەندٸ تٷردە دامىتادى.
قاسىم-جومارت توقاەۆ قازاقستان ٶز ۇلتتىق مٷددەسٸن قورعاۋعا باعىتتالعان تەڭگەرٸمدٸ جەنە كونسترۋكتيۆتٸ سىرتقى ساياساتىن جٷزەگە اسىرا بەرەتٸنٸن جەتكٸزدٸ. ساياسي جاڭعىرۋ ٷدەرٸسٸ جوسپارلى تٷردە جالعاسادى.
ۇلىقتاۋ رەسٸمٸنە قازاقستاننىڭ تۇڭعىش پرەزيدەنتٸ نۇرسۇلتان نازارباەۆ, قازاقستان رەسپۋبليكاسىنىڭ پارلامەنتٸ دەپۋتاتتارى, ٷكٸمەت مٷشەلەرٸ, جوعارعى سوت سۋديالارى, كونستيتۋتسييالىق كەڭەستٸڭ مٷشەلەرٸ, پرەزيدەنت ەكٸمشٸلٸگٸ مەن پرەمەر-مينيستر كەڭسەسٸنٸڭ ٶكٸلدەرٸ, ورتالىق مەملەكەتتٸك باسقارۋ ورگاندارىنىڭ باسشىلارى, ورتالىق سايلاۋ كوميسسيياسى مەن قازاقستان حالقى اسسامبلەياسىنىڭ مٷشەلەرٸ, دٸني كونفەسسييا ٶكٸلدەرٸ, وبلىستار مەن استانا, الماتى جەنە شىمكەنت قالالارىنىڭ ەكٸمدەرٸ, قازاقستانداعى ديپلوماتييالىق ٶكٸلدٸكتەردٸڭ باسشىلارى, پرەزيدەنتتٸككە ٷمٸتكەر بولعاندار, ساياسي پارتييالاردىڭ باسشىلىعى, رەسپۋبليكالىق جەنە ايماقتىق قوعامدىق شتابتاردىڭ مٷشەلەرٸ, قوعامدىق ۇيىمداردىڭ جەنە بۇقارالىق اقپارات قۇرالدارىنىڭ ٶكٸلدەرٸ, ٸسكەر توپتار ٶكٸلدەرٸ, كٶرنەكتٸ عالىمدار, مەدەنيەت جەنە ٶنەر قايراتكەرلەرٸ, جاستار ۇيىمدارىنىڭ جەتەكشٸلەرٸ قاتىستى.
قازاقستان پرەزيدەنتٸ قاسىم-جومارت توقاەۆتىڭ سٶيلەگەن سٶزٸنٸڭ تولىق مەتٸنٸمەن مىنا سٸلتەمە ارقىلى تانىسۋعا بولادى.
