قازاقستان پرەزيدەنتٸ نۇرسۇلتان نازارباەۆ تٷرٸكمەنستان پرەزيدەنتٸ گۋربانگۋلى بەردٸمۇحامەدوۆپەن كەڭەيتٸلگەن قۇرامدا كەلٸسسٶز جٷرگٸزدٸ, - دەپ حابارلايدى "ۇلت اقپارات" اقورداعا سٸلتەمە جاساپ.
كەلٸسسٶز بارىسىندا مەملەكەت باسشىسى تٷرٸكمەنستان پرەزيدەنتٸنٸڭ ساپارى ەلدەرٸمٸز اراسىنداعى ديپلوماتييالىق قاتىناستىڭ 25 جىلدىعىمەن تۇسپا-تۇس كەلگەنٸن اتاپ ٶتتٸ.
– بٸزدٸڭ قاتىناسىمىز شيرەك عاسىردا ٶزارا سەنٸم جەنە قولداۋدىڭ نەگٸزٸندە قالىپتاستى. تٷرٸكمەنستان – قازاقستاننىڭ ٶڭٸردەگٸ ماڭىزدى سەرٸكتەسٸ ەرٸ وداقتاسى. ەكٸ ەلدٸڭ حالقى بٸر-بٸرٸمەن باۋىرلاس ەرٸ تاتۋ كٶرشٸ. بٸزدٸ عاسىرلار قويناۋىنان جالعاسىپ كەلە جاتقان ورتاق تاريحي تامىر, تٸل مەن دٸن بايلانىستىرادى, – دەدٸ قازاقستان پرەزيدەنتٸ.
نۇرسۇلتان نازارباەۆ جەكەلەگەن باعىتتار, سونىڭ ٸشٸندە كٶلٸك-ترانزيت جەنە ەنەرگەتيكا سالالارى بويىنشا ەكٸجاقتى ىنتىماقتاستىقتىڭ دامىپ كەلە جاتقانىن اتاپ ٶتٸپ, بۇل رەتتە باسقا دا سالالاردىڭ زور پەرسپەكتيۆاسى بار ەكەنٸنە نازار اۋداردى.
– بٷگٸن بٸز قازاقستان مەن تٷرٸكمەنستان اراسىنداعى ستراتەگييالىق سەرٸكتەستٸك تۋرالى اسا ماڭىزدى شارتقا قول قويامىز. وسى كەلٸسٸمنٸڭ ارقاسىندا قاتىناستارىمىز دامۋدىڭ جاڭا كەزەڭٸنە ٶتكەلٸ تۇر. بٸز ەلدەرٸمٸز اراسىنداعى شەكاراعا قاتىستى بارلىق مەسەلەنٸ شەشەمٸز. شەكاراعا قاتىستى تٷيتكٸلدٸ مەسەلەلەرٸ مٷلدەم جوق ەلدەر بٸزدٸڭ ەكٸ مەملەكەتتەرٸمٸز عانا بولماق, – دەدٸ مەملەكەت باسشىسى.
گ.بەردٸمۇحامەدوۆ ٶزٸنٸڭ قازاقستانعا مەملەكەتتٸك ساپارى ەكٸ ەل اراسىنداعى ىنتىماقتاستىقتى نىعايتا تٷسەتٸنٸنە سەنٸم بٸلدٸردٸ.
ەكٸ ەل پرەزيدەنتتەرٸ حالىقارالىق ساياسات, ەكٸجاقتى ىنتىماقتاستىق, ٶڭٸرلٸك ٶزارا ٸس-قيمىل, مەدەني-گۋمانيتارلىق جەنە ەلەۋمەتتٸك سالالارداعى ىنتىماقتاستىق مەسەلەلەرٸن تالقىلادى.
– قازاقستان مەن تٷرٸكمەنستاننىڭ حالىقارالىق ارەنادا وڭ بەدەل مەن رەيتينگكە يە بولىپ كەلە جاتقانىن ەرەكشە اتاپ ٶتكەن جٶن. بٸز بەيبٸتشٸلٸك, تۇراقتىلىق جەنە قاۋٸپسٸزدٸك مەسەلەلەرٸ بويىنشا ٶز ۇستانىمىمىزدى تەك ٶڭٸردە عانا ەمەس, بٷكٸل دٷنيە جٷزٸندە بۇۇ مەن ەىقۇ سيياقتى حالىقارالىق قۇرىلىمدارمەن بٸرگە ايقىنداپ كەلەمٸز, – دەدٸ گ.بەردٸمۇحامەدوۆ.
سونداي-اق, كەڭەيتٸلگەن قۇرامداعى كەلٸسسٶزدەر اياقتالعان سوڭ قازاقستان مەن تٷرٸكمەنستان ەلدەرٸنٸڭ باسشىلارى بۇقارالىق اقپارات قۇرالدارى الدىندا مەلٸمدەمە جاسادى.
نۇرسۇلتان نازارباەۆ ەكٸ ەلدٸڭ پرەمەر-مينيسترلەرٸنٸڭ ورىنباسارلارى تٶراعالىق ەتەتٸن ەكونوميكالىق ىنتىماقتاستىق جٶنٸندەگٸ ٷكٸمەتارالىق كوميسسييا ەكٸجاقتى ىنتىماقتاستىقتىڭ نەگٸزگٸ مٸندەتتەرٸنە قول جەتكٸزۋ بارىسىندا ەرەكشە رٶل اتقاراتىنىن اتاپ ٶتتٸ.
قازاقستان پرەزيدەنتٸ كەلٸسسٸٶزدەر بارىسىندا تاراپتار شارتتىق-قۇقىقتىق بازانى جەتٸلدٸرۋگە, كەسٸپورىنداردىڭ ەكٸ ەلدەگٸ ٸرٸ ينفراقۇرىلىمدىق جوبالارعا قاتىسۋىنا, سونداي-اق ترانزيت-كٶلٸك سالاسىنداعى ٶزارا ٸس-قيمىلعا نازار اۋدارعانىن اتاپ ٶتتٸ.
– «قازاقستان – تٷرٸكمەنستان – يران» تەمٸرجولىنىڭ ٸسكە قوسىلۋىن ترانزيتتٸك-كٶلٸكتٸك ٶزارا ٸس-قيمىل سالاسىنداعى تاريحي وقيعا دەۋگە بولادى. ٶزارا تاۋار اينالىمىن ۇلعايتۋ ٸسٸندە ەكٸ ەلدٸڭ كەسٸپكەرلەرٸ وسى ارتىقشىلىقتى پايدالانا بٸلگەنٸ جٶن, – دەدٸ مەملەكەت باسشىسى.
نۇرسۇلتان نازارباەۆ كەلٸسسٶزدەر بارىسىندا سۋ-ەنەرگەتيكا سالاسى جەنە ارالدى قۇتقارۋعا ارنالعان حالىقارالىق قور قىزمەتٸن جانداندىرۋ مەسەلەسٸ ارنايى قوزعالعانىنا نازار اۋداردى.
– ورتالىق ازيياداعى شەكارالاس ٶزەندەردٸڭ سۋ رەسۋرستارى ورتاق يگٸلٸك بولىپ سانالاتىنىن تاعى دا ماقۇلدادىق. ولاردى ورنىمەن پايدالانۋ ونداعان ميلليون ادامنىڭ تاعدىرىنا ەسەر ەتەدٸ. بيىل ارالدى قۇتقارۋعا ارنالعان حالىقارالىق قورعا تٶراعالىق ەتۋ مٸندەتٸ تٷرٸكمەنستانعا كٶشتٸ, – دەدٸ قازاقستان پرەزيدەنتٸ.
مەملەكەت باسشىسى ەكٸ ەل پرەزيدەنتتەرٸنٸڭ كٷن تەرتٸبٸندەگٸ حالىقارالىق جەنە ٶڭٸرلٸك ٶزەكتٸ تاقىرىپتاردى تالقىلاعانىن اتاپ ٶتتٸ.
نۇرسۇلتان نازارباەۆ تٷرٸكمەنستان پرەزيدەنتٸن قازاقستان رەسپۋبليكاسىنا مەملەكەتتٸك ساپارىنىڭ سوڭىنا قاراي بٸرٸنشٸ دەرەجەلٸ «دوستىق» وردەنٸمەن ماراپاتتادى.
***
تٷرٸكمەنستان پرەزيدەنتٸنٸڭ قازاقستان رەسپۋبليكاسىنا مەملەكەتتٸك ساپارىنىڭ قورىتىندىسى بويىنشا مىناداي قۇجاتتار قابىلداندى:
– قازاقستان رەسپۋبليكاسى پرەزيدەنتٸ مەن تٷرٸكمەنستان پرەزيدەنتٸنٸڭ بٸرلەسكەن مەلٸمدەمەسٸ;
– قازاقستان رەسپۋبليكاسى مەن تٷرٸكمەنستان اراسىنداعى ستراتەگييالىق سەرٸكتەستٸك تۋرالى شارت;
– قازاقستان رەسپۋبليكاسى مەن تٷرٸكمەنستان اراسىنداعى قازاقستان-تٷرٸكمەنستان مەملەكەتتٸك شەكاراسىن بەلگٸلەۋ تۋرالى كەلٸسٸم;
– قازاقستان رەسپۋبليكاسىنىڭ ٷكٸمەتٸ مەن تٷرٸكمەنستاننىڭ ٷكٸمەتٸ اراسىنداعى قازاقستان-تٷرٸكمەنستان ٷكٸمەتارالىق كوميسسيياسى تۋرالى كەلٸسٸم;
– قازاقستان رەسپۋبليكاسىنىڭ ٷكٸمەتٸ مەن تٷرٸكمەنستاننىڭ ٷكٸمەتٸ اراسىنداعى قۇپييا اقپاراتتاردى ٶزارا ساقتاۋ تۋرالى كەلٸسٸم;
– قازاقستان رەسپۋبليكاسى سىرتقى ٸستەر مينيسترلٸگٸ مەن تٷرٸكمەنستان سىرتقى ٸستەر مينيسترلٸگٸ اراسىنداعى 2017-2018 جىلدارعا ارنالعان ىنتىماقتاستىق جٶنٸندەگٸ باعدارلاما;
– قازاقستان رەسپۋبليكاسى قارجى مينيسترلٸگٸ مەن تٷرٸكمەنستان قارجى مينيسترلٸگٸ اراسىنداعى قىلمىستىق جولمەن تٷسكەن كٸرٸستەردٸ زاڭداستىرۋعا (جىلىستاتۋعا), تەرروريزمدٸ قارجىلاندىرۋعا قارسى كٷرەس سالاسىنداعى ٶزارا ٸس-قيمىل تۋرالى كەلٸسٸم;
– استانا مەن اشحاباد اراسىندا باۋىرلاستىق بايلانىس ورناتۋ تۋرالى كەلٸسٸم;
– قازاقستان رەسپۋبليكاسىنىڭ «اتامەكەن» ۇلتتىق كەسٸپكەرلەر پالاتاسى مەن تٷرٸكمەنستاننىڭ ساۋدا-ٶنەركەسٸپ پالاتاسى اراسىنداعى ىنتىماقتاستىق تۋرالى كەلٸسٸم.
.jpeg)