فوتو: اقوردا
قاسىم-جومارت توقاەۆ پەن ناتاشا پيرتس-مۋسار ەكٸ ەلدٸڭ رەسمي دەلەگاتسييا مٷشەلەرٸنٸڭ قاتىسۋىمەن كەڭەيتٸلگەن قۇرامدا كەلٸسسٶز ٶتكٸزدٸ, دەپ حابارلايدى Ult.kz.
مەملەكەت باسشىسى سلوۆەن دەلەگاتسيياسىنا قۇرمەت كٶرسەتٸپ, قازاقستاننىڭ ەۋروپاداعى ۋاقىت سىنىنان ٶتكەن سەنٸمدٸ سەرٸكتەسٸ سلوۆەنييامەن ٶزارا تيٸمدٸ ىنتىماقتاستىقتى دامىتۋعا بەيٸل ەكەنٸن راستادى.
"سٸزدٸڭ بۇل ساپارىڭىز ەكٸ ەل اراسىنداعى ٶزارا ىنتىماقتاستىققا تىڭ سەرپٸن بەرۋ تۇرعىسىنان ٶتە ماڭىزدى. جاڭا عانا كٶپتەگەن تاقىرىپتى, ونىڭ ٸشٸندە حالىقارالىق احۋالعا بايلانىستى كەيبٸر نەزٸك مەسەلەلەردٸ تالقىلاعان اسا مازمۇندى كەزدەسۋ ٶتكٸزدٸك. بٸز ەكٸجاقتى ىقپالداستىقتى دامىتۋعا نيەتتٸ ەكەنٸمٸزدٸ قۋاتتادىق. ناقتى نەتيجەلەرگە قول جەتكٸزۋ ٷشٸن بار كٷش-جٸگەرٸمٸزدٸ جۇمسايمىز", – دەدٸ قازاقستان پرەزيدەنتٸ.
قاسىم-جومارت توقاەۆ ەكٸجاقتى قارىم-قاتىناستارعا تىڭ سەرپٸن بەرەتٸن باعىتتاردى اتاپ ٶتٸپ, قازاقستاندا سلوۆەنييا بيزنەسٸنە قولايلى جاعداي جاساۋعا نيەتتٸ ەكەنٸن جەتكٸزدٸ. بۇل ٷشٸن كەسٸپكەرلٸك قىزمەتتٸ رەتتەۋدٸڭ اشىقتىعىن قامتاماسىز ەتۋ, ينۆەستيتسييانى قورعاۋ مەن ەكونوميكانى ەرتاراپتاندىرۋ كٶزدەلٸپ وتىر.
مەملەكەت باسشىسى استانادا ٶتەتٸن قازاقستان-سلوۆەنييا بيزنەس-فورۋمىنا ەرەكشە مەن بەرەتٸنٸن جەتكٸزٸپ, اتالعان جيىن ەكٸ ەلدٸڭ ساۋدا-ينۆەستيتسييالىق بايلانىسىن ودان ەرٸ كەڭەيتەتٸنٸنە توقتالدى.
رەسمي دەلەگاتسييا مٷشەلەرٸ تٶمەندەگٸدەي قۇجاتتارعا قول قويدى:
1. قازاقستان رەسپۋبليكاسى عىلىم جەنە جوعارى بٸلٸم مينيسترلٸگٸ مەن سلوۆەنييا رەسپۋبليكاسى جوعارى بٸلٸم, عىلىم جەنە يننوۆاتسييا مينيسترلٸگٸ اراسىنداعى بٸلٸم جەنە عىلىم سالاسى بويىنشا ٶزارا تٷسٸنٸستٸك تۋرالى مەموراندۋم;
2. قازاقستان رەسپۋبليكاسى تۋريزم جەنە سپورت مينيسترلٸگٸ مەن سلوۆەنييا رەسپۋبليكاسى ەكونوميكا, تۋريزم جەنە سپورت مينيسترلٸگٸ اراسىنداعى تۋريزم سالاسى بويىنشا ىنتىماقتاستىق جٶنٸندەگٸ ٶزارا تٷسٸنٸستٸك تۋرالى مەموراندۋم;
3. قازاقستاننىڭ سىرتقى ساۋدا پالاتاسى مەن سلوۆەنييانىڭ ساۋدا-ٶنەركەسٸپ پالاتاسى اراسىنداعى ٶزارا تٷسٸنٸستٸك تۋرالى مەموراندۋم.
