بٷگٸن قازاقستان-ٶزبەكستان شەكاراسىنداعى «جٸبەك جولى» ٶتكٸزۋ پۋنكتٸ ماڭىندا قازاقستان پرەمەر-مينيسترٸ اسقار مامين مەن ٶزبەكستان پرەمەر-مينيسترٸ ابدۋللا اريپوۆ كەلٸسسٶز جٷرگٸزٸپ, «ورتالىق ازييا» حالىقارالىق ساۋدا-ەكونوميكالىق ىنتىماقتاستىق ورتالىعىنىڭ (حسەىو) قۇرىلىسى جٷرگٸزٸلەتٸن جەرگە كاپسۋلا سالۋ رەسٸمٸنە قاتىستى. بۇل تۋرالى primeminister.kz سايتى حابارلادى.
تاراپتار قازاقستاننىڭ ٶزبەكستانمەن ساۋدا-ەكونوميكالىق, ينۆەستيتسييالىق, اۋىل شارۋاشىلىعى, ترانزيتتٸك-كٶلٸك, تۋريستٸك, عارىش سالالارىنداعى, ٶنەركەسٸپتٸك كووپەراتسيياداعى, ترانسشەكارالىق سۋ رەسۋرستارىن ۇتىمدى پايدالانۋ مەن قورعاۋداعى, سونداي-اق ايماقارالىق جەنە شەكارا ماڭى ىنتىماقتاستىعىنداعى ٶزەكتٸ مەسەلەلەردٸ تالقىلادى. اۆتوموبيل جاساۋدا, اٶك ٶنٸمدەرٸن قايتا ٶڭدەۋدە, سونداي-اق جوعارى جىلدامدىقتى «تٷركٸستان-شىمكەنت-تاشكەنت» تەمٸرجول ماگيسترالىن سالۋدا بٸرلەسكەن جوبالاردى ٸسكە اسىرۋ مەسەلەلەرٸنە ەرەكشە نازار اۋدارىلدى. كەلٸسسٶز قورىتىندىسى بويىنشا ا. مامين مەن ا. اريپوۆ «ورتالىق ازييا» حسەىو قىزمەتٸن ۇيىمداستىرۋ جٶنٸندەگٸ ٸس-شارالار جوسپارىنا, سونداي-اق تەمٸرجول كٶلٸگٸن دامىتۋ جٶنٸندەگٸ بٸرلەسكەن ٸس-قيمىل تۋرالى حاتتاماعا قول قويدى.
«ورتالىق ازييا» حسەىو «جٸبەك جولى» (قر) جەنە «گيشت كۋپريك» (ٶر) ٶتكٸزۋ پۋنكتٸ اۋدانىندا ورنالاساتىن بولادى. ورتالىقتىڭ جالپى اۋماعى – 400 گا, ٶتكٸزۋ مٷمكٸندٸگٸ 35 مىڭ ادامدى جەنە ەكٸ باعىتتا تەۋلٸگٸنە 5 مىڭ جٷك كٶلٸگٸن قۇرايدى. ورتالىق قازاقستان مەن ٶزبەكستاننىڭ بٸرلەسكەن ينۆەستيتسييالىق جوبالارىن ٸسكە اسىرۋ ٷشٸن ٸرٸ ٶنەركەسٸپتٸك جەنە ساۋدا-لوگيستيكالىق الاڭعا اينالۋعا ارنالعان. ٶنەركەسٸپتٸك كووپەراتسييانىڭ نەعۇرلىم پەرسپەكتيۆالى باعىتتارى ٶڭدەۋ سەكتورى, اٶك جەنە جەڭٸل ٶنەركەسٸپ بولىپ وتىر.
«قازاقستان مەن ٶزبەكستان ٷكٸمەتتەرٸ ٶزارا ساۋدا-ساتتىق دەڭگەيٸن 10 ملرد دوللارعا دەيٸن جەتكٸزۋ مٸندەتٸ بويىنشا جۇمىس ٸستەۋدە. بٷگٸن ٸسكە قوسىلاتىن جوبا وسى ماقساتقا قول جەتكٸزۋگە قىزمەت ەتەدٸ جەنە ەكٸ مەملەكەتتٸڭ جان-جاقتى ستراتەگييالىق ىنتىماقتاستىعىن ودان ەرٸ نىعايتۋعا ىقپال ەتەتٸن بولادى», — دەدٸ ا. مامين.
قازاقستان تاراپى ٶزبەكستاننىڭ سۋحاندارييا جەنە فەرعانا وبلىستارىندا ٷش كٶتەرمە-تاراتۋ ورتالىعىن اشۋ ارقىلى قر مەن ٶر اراسىندا بٸرىڭعاي تاۋار ٶتكٸزۋ جٷيەسٸن قۇرۋعا قىزىعۋشىلىق بٸلدٸردٸ, ونىڭ جالپى ينۆەستيتسييا كٶلەمٸ 22,5 ملن دوللار جەنە اۋىستىرىپ تيەۋ قۋاتى جىلىنا 67 مىڭ توننانى قۇرايتىن بولادى.
جۇمىس ساپارى اياسىندا قر پرەمەر-مينيسترٸ قازاقستان-ٶزبەكستان شەكاراسىنداعى جاڭعىرتىلعان «ب. قونىسباەۆ» ٶتكٸزۋ پۋنكتٸنە باردى. 2019 جىلعى شٸلدەدەن 2020 جىلعى جەلتوقسان ارالىعىندا جٷرگٸزٸلگەن رەكونسترۋكتسييادان كەيٸن ونىڭ قۇرىلىس الاڭى 2 ەسە 6 گا دەيٸن, قوزعالىس جولاقتارىنىڭ سانى 2-دەن 6-عا دەيٸن, پاسپورتتىق باقىلاۋ كابينالارىنىڭ سانى 6-دان 16-عا دەيٸن ۇلعايدى, زاماناۋي ينسپەكتسييالىق-تەكسەرٸپ قاراۋ كەشەندەرٸ ورناتىلدى. قابىلدانعان شارالاردىڭ نەتيجەسٸندە پۋنكتتٸڭ ٶتكٸزۋ مٷمكٸندٸگٸ ەكٸ باعىتتا تەۋلٸگٸنە 150-دەن 1 مىڭ اۆتوموبيلگە دەيٸن, 6 ەسەدەن استامعا ٶستٸ, ٶتۋ ۋاقىتى 60 مينۋتتان 25 مينۋتقا دەيٸن 2 ەسەگە قىسقاردى.
