قازاقستان H5N8 قاۋٸپتٸ ۆيرۋسى بەلگٸلەرٸنٸڭ تابىلۋىنا بايلانىستى رەسەي فەدەراتسيياسىمەن شەكاراعا شەكتەۋلەر قويدى, دەپ حابارلايدى "ۇلت اقپارات" قر اۋىل شارۋاشىلىعى مينيسترلٸگٸنٸڭ رەسمي سايتىنا سٸلتەمە جاساپ.
مينيسترلٸكتٸڭ سايتىندا قۇس تۇماۋىمەن بايلانىستى ەرەكشە قاۋٸپ ايماعى - قازاقستاننىڭ سولتٷستٸك-باتىسى ەكەنٸ ايتىلعان.
«وسى جىلدىڭ 3-4 تامىزىندا ۆەتەرينارلىق جەنە فيتوسانيتارلىق قاداعالاۋ بويىنشا فەدەرالدى قىزمەتتٸڭ چەليابٸدەگٸ باسقارماسى ايماقتا انىقتالعان قۇس تۇماۋى ۆيرۋسىنىڭ گەنەتيكالىق بەلگٸلەرٸ تۋرالى اقپارات تاراتتى. ٶلٸ قۇستاردان الىنعان بارلىق سىنامالاردا H5N8 تۇماۋى ۆيرۋسىنىڭ كٸشٸ تٷرٸ انىقتالدى. قۇستاردىڭ بارلىق تٷرلەرٸ تۇماۋدى تەز قابىلدايتىنى بەلگٸلٸ. بۇل اۋىل شارۋاشىلىق, سينانتروپتى جەنە جابايى قۇستارعا جىلدام جۇعاتىن ەرٸ لەزدە تارايتىن ۆيرۋستىق اۋرۋ. سوندىقتان, قۇس تۇماۋىنىڭ جاپپاي تارالىپ كەتۋ قاۋپٸ بار», - دەلٸگەن حابارلامادا.
وسىعان بايلانىستى, ۋۆەل اۋدانارالىق ۆەتەرينارلىق زەرتحاناسى, چەليابٸ سىناق زەرتحاناسى جەنە ۆلاديمير قالاسىنداعى جانۋارلاردىڭ دەنساۋلىعىن ساقتاۋ فەدەرالدى ورتالىعى جاساعان دياگنوز نەگٸزٸندە, قازاقستان اۋماعىندا ەپيزووتيكالىق تالاپتاردى ساقتاۋ ماقساتىندا, قر اۋىل شارۋاشىلىعى مينيسترلٸگٸنٸڭ ۆەتەرينارلىق باقىلاۋ جەنە قاداعالاۋ كوميتەتٸ 2020 جىلدىڭ 4 تامىزىنان باستاپ چەليابٸ وبلىسىنان تەرمييالىق ٶڭدەۋدەن ٶتپەگەن قۇستارعا ارنالعان جەمشٶپ قوسپالارى (حيمييالىق جەنە ميكروبيولوگييالىق سينتەزدٸڭ قوسپالارىنان باسقا), تاكسيدەرمييالىق ٶڭدەۋدەن ٶتپەگەن اۋلانعان اڭ-قۇستار (تٸرٸ قۇستار, جۇمىرتقالار, قۇس ەتٸ جەنە قۇس ەتٸنٸڭ بارلىق تٷرلەرٸ), سونىمەن قاتار قۇستاردى ۇستاۋعا, سويۋعا جەنە كەسۋگە قولدانىلاتىن قۇرال-جابدىقتار ەكەلۋگە جەنە تاسىمالداۋعا ۋاقىتشا شەكتەۋلەر ەنگٸزدٸ.
شەكارالاس ايماقتارداعى ەپيزوتييالىق جاعدايدى وبلىستاردىڭ ۆەتەرينارلىق قىزمەتٸ ەرەكشە باقىلاۋعا الدى.
H5N8 ادامدار ٷشٸن تٶمەن پاتوگەندٸ دەپ سانالعانىمەن, عالىمداردىڭ پٸكٸرٸنشە, ول تەز ٶزگەرٸسكە ۇشىراپ, تۇماۋدىڭ باسقا تٷرٸمەن اۋىرعان جاعدايدا ٶلٸمگە ەكەپ سوعۋى مٷمكٸن.
