بٷگٸن مەجٸلٸستٸڭ جالپى وتىرىسىندا دەپۋتات جامبىل احمەتبەكوۆ پرەمەر-مينيستر اسقار ماميننٸڭ اتىنا رەسمي ساۋال جولداپ, اۋىل تۇرعىندارىن مازالاپ وتىرعان اۋىز سۋ مەسەلەسٸن كٶتەردٸ, دەپ حابارلايدى "ۇلت اقپارات".
«قر پارلامەنتٸنٸڭ مەجٸلٸسٸنە اقمولا وبلىسىنىڭ قورعالجىن اۋدانى, قىزىلساي اۋىلدىق وكرۋگىنىڭ شالقار اۋىلىنان «اقساقالدار القاسى» جەنە اۋىل تۇرعىندارى اتىنان 51 ادام قول قويعان ۇجىمدىق حات-ٷندەۋ كەلٸپ تٷستٸ. حالىقتىڭ سۇراۋى بٸرەۋ عانا - ول اۋىز سۋ. اۋىز سۋ – ول اۋامەن قاتار ادام ٶمٸرٸ ٷشٸن ەڭ قاجەتتٸ مەسەلە ەكەندٸگٸنە ەشكٸم تالاسپايدى جەنە وسى ماڭىزدى مەسەلە ٷشٸن «اقبۇلاق» مەملەكەتتٸك باعدارلاماسى اياسىندا ميللياردتاعان قاراجات بٶلٸندٸ. ٶكٸنٸشكە وراي, مەملەكەت اۋىز سۋمەن قامتاماسىز ەتۋ ٷشٸن قانشاما ميلليارد اقشا-قاراجات بٶلسە دە حالىقتى اۋىز سۋمەن قامتاماسىز ەتۋگە ەلٸ كٷنگە دەيٸن تولىق قول جەتكٸزە الماي كەلەمٸز», - دەدٸ دەپۋتات.
ونىڭ دەرەگٸنشە, قورعالجىن-شالقار باعىتىنداعى 1970 جىلى سالىنعان ۇزىندىعى 29,5 شاقىرىم سۋ قۇبىرى ماگيسترالىنىڭ 2014 جىلى 95 پايىزعا توزعاندىعى راستالدى. وسىعان بايلانىستى 2015 جىلدان باستاپ اۋىز سۋ اۋىلعا اۆتوكٶلٸكپەن تاسىمالدانىپ جەتكٸزٸلەدٸ. شالقار اۋىلىنىڭ ٸشكٸ سۋ تارتۋ قۇبىرى 2010 جىلى سالىنىپ, 2014 جىلعا دەيٸن قولدانىستا بولدى. بٷگٸنگٸ كٷنٸ قاراۋسىز قالعاندىقتان جاعدايى ناشار كٷيدە.
«كٷزدٸڭ جاۋىن-شاشىنى كەزٸندە, قىستىڭ بورانىندا جول جابىلعان كەزدەردە اۋىل تۇرعىندارىن اۋىز سۋمەن قامتاماسىز ەتۋدە كٶپتەگەن قيىندىقتار تۋىندايدى. بىلتىر قاڭتاردىڭ قارلى بورانى كەزٸندە اۆتوموبيل جولى جارتى ايعا جۋىق جابىلىپ, قورعالجىن ەلٸ قار ەرٸتٸپ, مۇز ويىپ ٸشۋگە مەجبٷر بولدى. بۇل جاعداي رەسپۋبليكالىق قازاقستان-1 تەلەارناسىنان كٶرسەتٸلدٸ. وسى جاعداي ەلٸ سول كٷيٸندە, ٶكٸنٸشتٸسٸ بۇل ٷيرەنشٸكتٸ جاعدايعا اينالىپ بارادى. جاعداي ٶتە كٷردەلٸ, بٸزدەگٸ ناقتىلانباعان دەرەكتەر بويىنشا قورعالجىن, بٸرتابان, شالقار اۋىلدارىندا 6 مىڭنان استام ادام تۇرادى. وسى اۋىلداردا 5 مىڭعا تارتا ٸرٸ-قارا مال, 3 مىڭ جىلقى, 6 مىڭ قوي-ەشكٸ, 15 مىڭعا تارتا ٷي قۇستارى ٶسٸرٸلەدٸ. مەسەلەنٸڭ ەلەۋمەتتٸك ماڭىزدىلىعىن ەسكەرە وتىرىپ, رەسپۋبليكالىق بيۋدجەتتەن اتالعان ەلدٸ مەكەندٸ اۋىز سۋمەن قامتاماسىز ەتۋ ٷشٸن قاجەتتٸ قاراجاتتى بٶلۋ مٷمكٸندٸگٸن قاراۋىڭىزدى سۇرايمىز», - دەدٸ جامبىل احمەتبەكوۆ.
