استانا مەن قازاقستاننىڭ سولتٷستٸك ٶڭٸرلەرٸن گازداندىرۋ ٷشٸن قازاقستان ەۋرازييالىق قايتا قۇرۋ جەنە دامۋ بانكٸنەن 267 ملرد تەڭگە قارىز الماقشى. بۇل قاراجاتقا «قازترانسگاز» كومپانيياسى «سارىارقا» گاز قۇبىرىن جٷرگٸزەدٸ دەپ جوسپارلانۋدا, دەپ حابارلايدى "ۇلت اقپارات" sn.kz-كە سٸلتەمە جاساپ.
گازداندىرۋ جۇمىستارى 4 كەزەڭنەن تۇرادى. ونىڭ بارلىعىنا 370 ملرد تەڭگە قاجەت. ال, العاشقى كەزەڭٸ – استاناعا گاز قۇبىرىن تارتۋعا باعىتتالعان. بۇل جۇمىستارعا 267,3 ملرد تەڭگە جۇمسالادى دەپ كٷتٸلۋدە. قر ەنەرگەتيكا مينيسترٸ قانات بوزىمباەۆ بٷگٸنگٸ ٷكٸمەت وتىرىسىندا وسىلاي دەدٸ.
مينيستر سونداي-اق, مۇناي-گاز-حيمييا سالاسىن دامىتۋ ٷشٸن دە قازاقستاننىڭ قىتايدان 2 ملرد دوللار قارىز العانىن اتاپ ٶتتٸ. بۇل قاراجاتقا پوليپروپيلەن ٶندٸرٸسٸمەن اينالىساتىن زاۋىت ٸسكە قوسىلماق. قۇرىلىس جۇمىستارى 2021 جىلى اياقتالادى دەپ كٷتٸلۋدە.
مينيستردٸڭ ايتۋىنشا, اتالعان جوبالار ٸرٸ كٶلەمدە پايدا تٷسٸرٸپ, 10 مىڭداعان جاڭا جۇمىس ورنىن اشۋعا مٷمكٸندٸك بەرەدٸ.
