Astana men Qazaqstannyń soltústik óńirlerin gazdandyrý úshin Qazaqstan Eýraziialyq qaita qurý jáne damý bankinen 267 mlrd teńge qaryz almaqshy. Bul qarajatqa «QazTransGaz» kompaniiasy «Saryarqa» gaz qubyryn júrgizedi dep josparlanýda, dep habarlaidy "Ult Aqparat" sn.kz-ke silteme jasap.
Gazdandyrý jumystary 4 kezeńnen turady. Onyń barlyǵyna 370 mlrd teńge qajet. Al, alǵashqy kezeńi – Astanaǵa gaz qubyryn tartýǵa baǵyttalǵan. Bul jumystarǵa 267,3 mlrd teńge jumsalady dep kútilýde. QR Energetika ministri Qanat Bozymbaev búgingi Úkimet otyrysynda osylai dedi.
Ministr sondai-aq, munai-gaz-himiia salasyn damytý úshin de Qazaqstannyń Qytaidan 2 mlrd dollar qaryz alǵanyn atap ótti. Bul qarajatqa polipropilen óndirisimen ainalysatyn zaýyt iske qosylmaq. Qurylys jumystary 2021 jyly aiaqtalady dep kútilýde.
Ministrdiń aitýynsha, atalǵan jobalar iri kólemde paida túsirip, 10 myńdaǵan jańa jumys ornyn ashýǵa múmkindik beredi.
