ەلٸمٸزدە كەشە ٶتكەن مەجٸلٸس پەن مەسليحات دەپۋتاتتارى سايلاۋىنىڭ ٶتۋ بارىسىنا تەۋەلسٸز حالىقارالىق بايقاۋشىلار باعا بەرٸپ جاتىر, دەپ حابارلايدى "ۇلت اقپارات".
«ميسسييا مٷشەلەرٸ سايلاۋ كٷنٸ داۋىس بەرۋ سەتٸ باستالعاننان, داۋىستى ساناۋعا دەيٸنگٸ پروتسەستٸ قاداعالادى. سايلاۋ بارىسىن قاداعالاۋ نۇر-سۇلتان قالاسى مەن قازاقستاننىڭ باسقا دا ٶڭٸرلەرٸندە جٷزەگە اسىرىلدى. سونىمەن قاتار شىۇ-نىڭ ميسسييا مٷشەلەرٸ قىتايداعى قازاقستاننىڭ ەلشٸلٸگٸندە سايلاۋدىڭ ٶتۋ بارىسىنا مونيتورينگ جٷرگٸزدٸ. سايلاۋ كٷنٸ قارساڭىندا جەنە سايلاۋ كٷنٸ بٸزدٸڭ ٶكٸلدەر بارلىعى 118 سايلاۋ ۋچاسكەسٸنە باردى. سايلاۋ ۋچاسكەلەرٸندە جۇمىس بارلىق تالاپتارعا ساي جٷرگٸزٸلدٸ», - دەدٸ شانحاي ىنتىماقتاستىق ۇيىمى باس حاتشىسىنىڭ ورىنباسارى, ميسسييا باسشىسى چجان حايچجوۋ ەلوردادا تەۋەلسٸز حالىقارالىق بايقاۋشىلاردىڭ قاتىسۋىمەن ٶتكەن باسپاسٶز مەسليحاتىندا.
ونىڭ ايتۋىنشا, سايلاۋ كەزٸندە داۋىس بەرۋشٸلەرمەن قاتار بايقاۋشى جەنە باق ٶكٸلدەرٸنە تەڭدەي جاعداي جاسالعان.
«جالپى سايلاۋ پروتسەسٸ جەنە سايلاۋ كوميسسيياسىنىڭ جۇمىسى اشىق ەرٸ ەدٸلەتتٸ تٷردە ٶتتٸ. بايقاۋشىلاردىڭ سۇراقتارى مەن ٶتٸنٸشتەرٸنە سايلاۋ ۋچاسكەلەرٸندە ۋاقىتىلى جاۋاپ بەرٸلٸپ وتىردى. تاعى بٸر ەرەكشە ايتىپ ٶتەتٸن سەت, سايلاۋالدى جۇمىستار جەنە سايلاۋدىڭ ٶتۋ بارىسى باق بەتتەرٸندە كەڭٸنەن ناسيحاتتالدى. قازاقستان دەموكراتييالىق دامۋ جولىندا تاعى بٸر نىق قادام جاسادى. شىۇ ميسسيياسى اتىنان قازاقستاننىڭ مەملەكەتتٸك, ەكونوميكالىق –ەلەۋمەتتٸك ودان ەرٸ دامۋىنا سەتتٸلٸك تٸلەيمٸن», -دەدٸ ول.
