قازاقستان دامۋ بانكٸ استاناعا گاز قۇبىرىن تارتۋ جوباسىن قارجىلاندىرۋعا نيەت بٸلدٸرٸپ وتىر. بۇل تۋرالى بٷگٸن ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا اتالعان قارجى ۇيىمىنىڭ باسشىسى بولات جەمٸشەۆ ايتتى, دەپ حابارلايدى قازاقپارات.
«بارلىقتارىڭىز دا مەملەكەت باسشىسىنىڭ ٷكٸمەتكە بەرگەن تاپسىرمالارىن بٸلەسٸزدەر. قازٸرگٸ ۋاقىتتا ٷكٸمەت ەلٸمٸزدٸڭ سولتٷستٸك ٶڭٸرلەرٸن گازداندىرۋ مەسەلەسٸمەن اينالىسىپ جاتىر. مۇنىڭ زيياندى قالدىقتارىن تٶمەندەتۋگە ٷلكەن ٷلەس قوسارلىعى سٶزسٸز. بٸز اتالعان جوبانىڭ بارلىق اسپەكتٸلەرٸن ەگجەي-تەگجەيلٸ بٸلمەيمٸز. سەبەبٸ ونى قۇرىلىمداۋمەن اينالىسىپ جاتقانىمىز جوق», - دەدٸ بانك باسشىسى.
ونىڭ ايتۋىنشا, قازاقستان دامۋ بانكٸ ٸس جٷزٸندە دايىن جوبالارمەن جۇمىس ٸستەيدٸ جەنە ولارعا كرەديتور رەتٸندە قارايدى.
«سوندىقتان دا بانك رەتٸندە بٸزگە ەلٸمٸزدٸڭ سولتٷستٸك ٶڭٸرلەرٸن گازداندىرۋمەن بايلانىستى جوبالارعا قاتىسۋ قىزىقتى. دەگەنمەن, بارلىعى دا جوبا ەكونوميكاسىنىڭ قانداي بولاتىندىعىنا, نارىقتىق جاعدايدا قارجىلاندىرۋعا قانداي سۇرانىسىنىڭ بولاتىندىعىنا بايلانىستى», - دەدٸ بولات جەمٸشەۆ.
ايتا كەتەيٸك, بٷگٸن قر پارلامەنتٸ پالاتالارىنىڭ بٸرلەسكەن وتىرىسىندا مەملەكەت باسشىسى نۇرسۇلتان نازارباەۆ استانانى گازداندىرۋ مەسەلەسٸن 1-1,5 جىلدا شەشۋدٸ تاپسىرعان بولاتىن.
