Qazaqstan damý banki Astanaǵa gaz qubyryn tartý jobasyn qarjylandyrýǵa niet bildirip otyr. Bul týraly búgin Ortalyq kommýnikatsiialar qyzmetindegi baspasóz máslihatynda atalǵan qarjy uiymynyń basshysy Bolat Jámishev aitty, dep habarlaidy QazAqparat.
«Barlyqtaryńyz da Memleket basshysynyń Úkimetke bergen tapsyrmalaryn bilesizder. Qazirgi ýaqytta úkimet elimizdiń soltústik óńirlerin gazdandyrý máselesimen ainalysyp jatyr. Munyń ziiandy qaldyqtaryn tómendetýge úlken úles qosarlyǵy sózsiz. Biz atalǵan jobanyń barlyq aspektilerin egjei-tegjeili bilmeimiz. Sebebi ony qurylymdaýmen ainalysyp jatqanymyz joq», - dedi bank basshysy.
Onyń aitýynsha, Qazaqstan damý banki is júzinde daiyn jobalarmen jumys isteidi jáne olarǵa kreditor retinde qaraidy.
«Sondyqtan da bank retinde bizge elimizdiń soltústik óńirlerin gazdandyrýmen bailanysty jobalarǵa qatysý qyzyqty. Degenmen, barlyǵy da joba ekonomikasynyń qandai bolatyndyǵyna, naryqtyq jaǵdaida qarjylandyrýǵa qandai suranysynyń bolatyndyǵyna bailanysty», - dedi Bolat Jámishev.
Aita keteiik, búgin QR Parlamenti palatalarynyń birlesken otyrysynda Memleket basshysy Nursultan Nazarbaev Astanany gazdandyrý máselesin 1-1,5 jylda sheshýdi tapsyrǵan bolatyn.
