قازاقستان قىتايدىڭ Sinopharm كومپانيياسى شىعارعان كوروناۆيرۋسقا قارسى ۆاكتسينانىڭ 4 ملن دوزاسىن ساتىپ الدى, دەپ حابارلايدى "ۇلت اقپارات" قر دەنساۋلىق ساقتاۋ مينيسترلٸگٸنە سٸلتەمە جاساپ.
بۇعان دەيٸن الماتىعا Sinopharm-نىڭ Vero سell ۆاكتسيناسىنىڭ بٸرٸنشٸ پارتيياسى جەتكٸزٸلگەنٸن جازعان بولاتىنبىز.
دەنساۋلىق مينيسترلٸگٸ ۆاكتسيناعا قاتىستى تولىق مەلٸمەت بەردٸ. وعان سەيكەس, بٷگٸن, 10 تامىزدا قىتاي حالىق رەسپۋبليكاسىمەن جٷرگٸزٸلگەن كەلٸسسٶزدەردٸڭ قورىتىندىسى بويىنشا كوروناۆيرۋسقا قارسى Sinopharm ۆاكتسيناسىنىڭ بٸرٸنشٸ پارتيياسى تيەلگەن ۇشاق الماتىعا بٸرىڭعاي ديستريبيۋتور سق-فارماتسييانىڭ قويمالارىنا كەلدٸ.
«قازاقستاندا كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا مەن قر دەنساۋلىق ساقتاۋ مينيسترلٸگٸنٸڭ تاپسىرماسى نەگٸزٸندە بٸرىڭعاي ديستريبيۋتور بەيجٸڭ بيولوگييالىق ٶنٸمدەر ينستيتۋتى ەزٸرلەگەن Covid-19-عا قارسى Sinopharm ۆاكتسيناسىنىڭ 4 ملن دوزاسىن ساتىپ الۋدى جٷزەگە اسىردى.
Sinopharm قىتاي ۆاكتسيناسىنىڭ بٸرٸنشٸ پارتيياسى 1 ملن دوزادان تۇرادى. Sinopharm ۆاكتسيناسى جاقىن كٷندەرٸ قازاقستان رەسپۋبليكاسىنىڭ ازاماتتارىنا كوروناۆيرۋس ينفەكتسيياسىنا قارسى ۆاكتسيناتسييالاۋ ٷشٸن قولجەتٸمدٸ بولاتىن قر-دا بەسٸنشٸ تٸركەلگەن ۆاكتسينا بولادى», - دەلٸنگەن مينيسترلٸك اقپاراتىندا.
ۆاكتسينانى ستيكەرلەۋ رەسٸمٸ اياقتالعاننان كەيٸن قر دسم سانيتارييالىق-ەپيدەميولوگييالىق باقىلاۋ كوميتەتٸنٸڭ رۇقسات قاعازىنا سەيكەس جەدەل تەرتٸپتە ەلٸمٸز ٶڭٸرلەرٸنە جٸبەرٸلەدٸ.
«بٸرىڭعاي ديستريبيۋتور يممۋنوبيولوگييالىق پرەپاراتتاردىڭ لوگيستيكاسىن GMP جەنە GDP بارلىق ستاندارتتارىن, سونداي-اق «سۋىق تٸزبەكتٸ» ساقتاي وتىرىپ جٷزەگە اسىرادى. Sinopharm ۆاكتسيناسىنىڭ ەرەكشەلٸگٸ - ونى جەتكٸزۋ پروتسەسٸ مۇزداتقىشتى قاجەت ەتپەيدٸ, +2 +8 گرادۋس تەمپەراتۋرادا ساقتالادى جەنە تاسىمالدانادى.
قىتايدىڭ Sinopharm ۆاكتسيناسىن ددسۇ 2021 جىلدىڭ 7 مامىرىندا قولدانۋعا ماقۇلدادى. ۆاكتسينا بەلسەندٸ ەمەس, ەكٸ دوزالى. ساقتاۋ مەرزٸمٸ - 24 اي», - دەپ ناقتىلادى مينيسترلٸكتەن.
ۆەدومستۆو مەلٸمەتٸندە, شٸلدە ايىندا قىتايدىڭ Sinopharm كومپانيياسىنىڭ كوروناۆيرۋسقا قارسى ۆاكتسيناسى COVAX ۆاكتسينالار بانكٸنە ەندٸ.
«ۆاكتسينالار مەن يممۋنداۋدىڭ جاھاندىق اليانسى (GAVI) قىتايلىق Sinopharm كومپانيياسىمەن كەلٸسٸم جاسايتىندىعىن جارييالادى.
بۇل ددسۇ-مەن قاۋٸپسٸز جەنە تيٸمدٸ دەپ جٸكتەلگەن العاشقى قىتاي پرەپاراتى, 45 ەلدە ەرەسەكتەرگە ۆاكتسينالاۋعا رۇقسات ەتٸلگەن. بٷگٸنگٸ تاڭدا قىتايدان باسقا, ۆاكتسينا باە مەن سەربييادا ٶندٸرۋگە ماقۇلداندى. سونىمەن بٸرگە, قىتاي مەن باە قىتايدىڭ Sinopharm فارماكولوگييالىق كومپانيياسىنىڭ بەلسەندٸ ەمەس ۆاكتسيناسىن 3 پەن 17 جاس ارالىعىنداعى بالالارعا شۇعىل قولدانۋدى ماقۇلدادى», - دەدٸ دسم-نان.
ەستەرٸڭٸزگە سالا كەتەيٸك, سەۋٸر ايىنىڭ سوڭىندا قازاقستان باە-دە نayat-Vax ساۋدا اتاۋىمەن شىعارىلعان Sinopharm كومپانيياسىنىڭ بەيجٸڭ بيولوگييالىق ٶنٸمٸ ينستيتۋتى پرەپاراتىنىڭ ميلليون دوزاسىن ساتىپ العان بولاتىن.
دەنساۋلىق ساقتاۋ مينيسترلٸگٸ وسىنداي ماڭىزدى جٷكتٸ ەلگە تاسىمالداۋ جەنە جەتكٸزۋ بويىنشا قاجەتتٸ رەسٸمدەردٸ ۋاقىتىلى جٷرگٸزۋدە جەدەل ٶزارا ٸس-قيمىل جاساعانى ٷشٸن قر ييدم ازاماتتىق اۆياتسييا كوميتەتٸنٸڭ جەنە «ەيراستانا» اق اۆياكومپانيياسىنىڭ باسشىلىعى مەن ۇجىمىنا ريزاشىلىق پەن العىس بٸلدٸردٸ.
ايتا كەتەيٸك, ۆاكتسينانى تاسىمالداۋ «سۋىق تٸزبەك» قاعيداتى بويىنشا جٷرگٸزٸلەدٸ - ەربٸر كەزەڭدە تەمپەراتۋرالىق رەجيمدٸ قاتاڭ ساقتاۋ قامتاماسىز ەتٸلەدٸ. سونىمەن قاتار, ەر دەڭگەيدە - ٶزٸنٸڭ جاۋاپتى ۇيىمى بار.
ۆاكتسينالاردى تاسىمالداۋ 4 كەزەڭدە جٷزەگە اسىرىلادى:
1. ٶندٸرۋشٸدەن بٸرىڭعاي ديستريبيۋتوردىڭ حابتارىنا دەيٸن;
2. بٸرىڭعاي ديستريبيۋتورلاردىڭ حابتارىنان ٶڭٸرلەردٸڭ دەنساۋلىق ساقتاۋ باسقارمالارىنىڭ قويمالارىنا;
3. ٶڭٸرلەردٸڭ دەنساۋلىق ساقتاۋ باسقارمالارىنىڭ قويمالارىنان مەديتسينالىق ۇيىمدارعا;
4. مەديتسينالىق ۇيىمداردا قولدانعانعا دەيٸن ساقتاۋ.
