قازاقستان ٷكٸمەتٸ بٸرٸككەن اراب ەمٸرلٸكتەرٸ مەن قاتاردىڭ تٶرت شەيحٸنە 2019 جىلعى قازان مەن قاراشا ايلارىندا ەل اۋماعىنداعى قورىقتاردا يتەلگٸمەن داراق جەك دۋاداق اۋلاۋعا رەسمي رۇقسات بەردٸ. بۇل تۋرالى پرەمەر-مينيستر اسقار مەمين قول قويعان ٷكٸمەت قاۋلىسى قازاقستاننىڭ نورماتيۆتٸك قۇقىقتىق اكتٸلەرٸنٸڭ اقپاراتتىق-قۇقىقتىق جٷيەسٸ سايتىندا جارييالاندى.
قاۋلىعا سەيكەس, باە شەيحٸ حاليف بين زاەد ەل-ناحايانعا سۇڭقارمەن تٷركٸستان وبلىسىنداعى ارىس جەنە قاراتاۋ قورىعىنىڭ اۋماعىندا 43 دۋاداق جەنە جامبىل, قىزىلوردا مەن تٷركٸستان وبلىستارىنداعى وڭتٷستٸك قازاقستان قورىعىندا 90 دۋاداق اۋلاۋعا رۇقسات بەرٸلگەن.
باە-نٸڭ تاعى ەكٸ شەيحٸ – سۋرۋرۋ جەنە سەيف بين مۇحاممەد ەل-ناحاياننىڭ ەرقايسى ماڭعىستاۋ وبلىسىنداعى كەندٸرلٸ – قاياسان قورىعىنان 43 دۋاداق اۋلاۋعا رۇقسات العان.
قاتار شەيحٸ جاسەم بين حاماد بين حاليفا ەل-تانيگە جامبىل وبلىسىنداعى اڭداساي قورىعى اۋماعىندا 27 دۋاداق جەنە الماتى مەن جامبىل وبلىستارىنداعى جۋساندالا قورىعىندا 30 دۋاداق اۋلاۋعا رۇقسات بەرٸلگەن.
ٷكٸمەت الماتى, جامبىل, قىزىلوردا, ماڭعىستاۋ جەنە تٷركٸستان وبلىستارى ەكٸمدەرٸنە شەتەلدٸكتەرگە "قاجەتتٸ جەردەم كٶرسەتۋ", ال كەدەن قىزمەتٸنە قازاقستانعا شەيحتەر ساياتشىلىق ماقساتىمەن ەكەلەتٸن جەنە ەكەتەتٸن يتەلگٸلەردٸ تيٸستٸ تەرتٸپ بويىنشا رەسٸمدەۋدٸ تاپسىرعان.
شەيحتەر قازاقستان اۋماعىندا اۋلاعان ەر قۇسقا ەل بيۋدجەتٸنە 260 ايلىق ەسەپتٸك كٶرسەتكٸش (656 600 تەڭگە نەمەسە 1700 دوللار) كٶلەمٸندە اقشا تٶلەۋٸ تيٸس.
قازاقستاندا دۋاداق جويىلۋعا شاق تۇرعان سيرەك قۇس رەتٸندە قىزىل كٸتاپقا ەنگٸزٸلگەنٸمەن ٷكٸمەت تالاي جىلدان بەرٸ شەتەلدٸك شەيحتەرگە ونى اۋلاۋعا رۇقسات بەرٸپ كەلەدٸ.
