قازاقستان اۋعانستانعا تەحنيكالىق جەنە گۋمانيتارلىق كٶمەك كٶرسەتۋٸن جالعاستىرادى. بۇل تۋرالى بٷگٸن اقوردادا قازاقستانداعى تٶتەنشە جەنە ٶكٸلەتتٸ ەلشٸ بولىپ تاعايىندالعان بٸرقاتار شەتەلدٸڭ ديپلوماتىنان سەنٸم گراموتاسىن قابىلداعان ەلباسى نۇرسۇلتان نازارباەۆ ايتتى, دەپ حابارلايدى قازاقپارات.
«وسى جىلدارى اۋعانستانمەن ٶزارا ساياسي ٸس-قيمىل ايتارلىقتاي جاندانىپ كەلەدٸ. 2015 جىلى اۋعانستان پرەزيدەنتٸ موحامماد اشراف عاني رەسمي ساپارمەن قازاقستانعا كەلدٸ. بيىل بٸز عاني مىرزامەن شانحاي ىنتىماقتاستىق ۇيىمى مەن يسلام ىنتىماقتاستىق ۇيىمىندا كەلٸسسٶزدەر جٷرگٸزدٸك. ٶزارا ساۋدا كٶلەمٸ جارتى ملرد دوللارعا جەتٸپ, الماتى مەن كابۋل قالاسىندا ساۋدا ٷيلەرٸ اشىلدى. بٸز تەحنيكالىق جەنە گۋمانيتارلىق كٶمەك كٶرسەتۋدٸ دە جالعاستىرا بەرەتٸن بولامىز. اۋعانستاننىڭ قاۋٸپسٸز ەرٸ ورنىقتى دامۋى ٶڭٸرٸمٸزدەگٸ بەيبٸتشٸلٸك, تۇراقتىلىقتى ٶركەندەتۋدٸڭ كەپٸلٸ بولادى», - دەدٸ نۇرسۇلتان نازارباەۆ.
مەملەكەت باسشىسى قازاقستان كانادامەن كٶپ سالالى ىنتىماقتاستىقتى ودان ارى نىعايتۋعا نيەتتٸ ەكەندٸگٸن باسا ايتتى.
«ٶتكەن جىلى G-20 سامميتٸندەگٸ كەزدەۋدە پرەمەر-مينيستر دجاستين تريۋدومەن تٷرلٸ سالاداعى بايلانىستاردى نىعايتۋ جٶنٸندە ۋاعدالاستىق. بيىلعى ماۋسىم ايىندا استانادا قازاقستان-كانادا ٸسكەرلٸك كەڭەسٸنٸڭ ٶتۋٸ سول ۋاعدالاستىقتىڭ ناقتى ٸسكە اسىرىلۋى بولىپ تابىلادى. بەلگييامەن ٸس-قيمىل ٶزارا قۇرمەت پەن سەنٸم قاعيداتتارىنا نەگٸزدەلگەن. 2014 جىلعى قازاندا مەن بريۋسسەلگە جۇمىس ساپارىمەن بارىپ, جوعارى مەرتەبەلٸ كورول فيليپپەن كەلٸسسٶزدەر ٶتكٸزدٸم. وندا ەكٸجاقتى جەنە كٶپجاقتى ىنتىماقتاستىقتىڭ ٶزەكتٸ مەسەلەلەرٸ جٶنٸندە پٸكٸر الىستىق. بەلگييا كاپيتالى, تەحنولوگييالارىن قازاقستان نارىعىنداعى بٸرلەسكەن جوبالارعا بەلسەندٸ تٷردە تارتۋدى قۇپتايمىز», - دەدٸ ەلباسى.
نۇرسۇلتان نازارباەۆ پولشا رەسپۋبليكاسى ورتالىق جەنە شىعىس ەۋروپاداعى قازاقستاننىڭ نەگٸزگٸ سەرٸكتەستەرٸنٸڭ بٸرٸ بولىپ تابىلاتىندىعىن ايرىقشا اتادى.
«2016 جىلعى تامىزداعى ۆارشاۆاعا مەنٸڭ مەملەكەتتٸك ساپارىمنىڭ جەنە پولشا پرەزيدەنتٸ اندجەي دۋدانىڭ بيىلعى قىركٷيەكتٸڭ باسىنداعى قازاقستانعا مەملەكەتتٸك ساپارىنىڭ قورىتىندىلارىن جوعارى باعالايمىز. ٶتكەن كەلٸسسٶزدەر قازاقستان-پولشا اراسىنداعى ديالوگتىڭ ەلەۋەتٸ زور ەكەندٸگٸن دەلەلدەپ, ٶزارا تيٸمدٸ كٶپتەگەن جوبالارعا جول اشتى دەپ سانايمىن», - دەدٸ قر پرەزيدەنتٸ.
ەلباسى قازاقستان مەن فينلياندييانى دەستٷرلٸ دوستىق قاتىناستار مەن كٶپ جىلداردان بەرگٸ ىنتىماقتاستىق بايلانىستىرىپ كەلە جاتقاندىعىنا دا توقتالدى.
«پرەزيدەنت ساۋلي نيينيستەنٸڭ بيىلعى ماۋسىمداعى استاناعا ساپارى ٶزارا ٸس-قيمىلىمىزدىڭ جوعارى دەڭگەيدە ەكەندٸگٸن كٶرسەتتٸ. استانا مەن حەلسينكي اراسىندا تٸكەلەي ەۋە رەيسٸنٸڭ اشىلۋى ايتۋلى وقيعا بولدى. جاسىل تەحنولوگييالاردى دامىتۋ جٶنٸندەگٸ ورتالىق قۇرىلدى. قازاقستاندا فينن كەسٸپورىندارى اشىلۋدا. جوعارعى جەنە ٷكٸمەتارالىق دەڭگەيدەگٸ ۋاعدالاستىقتاردىڭ ودان ارى ٸسكە اسىرىلۋىن قامتاماسىز ەتۋگە دايىنبىز. سولاردىڭ نەتيجەسٸندە ماشينا جاساۋ, عارىش, مەتاللۋرگييا, كٶلٸك جەنە باسقا دا سالالاردا تەحنولوگييالىق جوبالار ەزٸرلەندٸ», - دەدٸ مەملەكەت باسشىسى.
قر پرەزيدەنتٸ فرانتسييا پرەزيدەنتٸ ەممانۋەل ماكرونمەن جەمٸستٸ بايلانىستى دامىتۋعا نيەتتٸ ەكەندٸگٸن, ەكٸ ەلدٸڭ اراسىندا ەكونوميكالىق, مەدەني, بٸلٸم سالاسىنداعى قارىم-قاتىناستار بۇرىننان دامىپ كەلە جاتقانىن ايتتى.
«ەستونييامەن قارىم-قاتىناسىمىز قارقىندى دامىپ كەلە جاتقانىن اتاپ ٶتكٸم كەلەدٸ. بٸز كٶلٸك جەنە ترانزيت, ەنەرگەتيكا, كوممۋنيكاتسييا, تەحنولوگييا سيياقتى پەرسپەكتيۆالى باعىتتار بويىنشا جۇمىس جاساۋعا ەزٸرمٸز. ەۋروپالىق وداققا تٶراعالىق ەتٸپ وتىرعان ەستونييا باسشىلىعى قازاقستان مەن ەۋروپا سەرٸكتەستٸگٸن ٸلگەرٸلەتۋگە ٷلەس قوسادى دەپ سەنەمٸز», - دەدٸ نۇرسۇلتان نازارباەۆ.
