فوتو: Gov.kz
2025 جىلعى ۇلتتىق رەيتينگ نەتيجەسٸندە ٶنەر جەنە سپورت سالاسى بويىنشا بٸلٸم بەرەتٸن جوعارى وقۋ ورىندارى اراسىندا قازاق ۇلتتىق حورەوگرافييا اكادەميياسى ٷزدٸك دەپ تانىلدى. رەيتينگتٸ بٸلٸم بەرۋ ساپاسىن قامتاماسىزداندىرۋ بويىنشا تەۋەلسٸز اگەنتتٸگٸ (IQAA) ەزٸرلەگەن, دەپ حابارلايدى Ult.kz.
بۇل – ەلدەگٸ جوعارى بٸلٸم بەرۋ سالاسىنداعى بەدەلدٸ كٶرسەتكٸشتەردٸڭ بٸرٸ. رەيتينگ جوعارى وقۋ ورىندارىنىڭ اكادەمييالىق بەدەلٸ, بٸلٸم بەرۋ ساپاسى, عىلىمي-زەرتتەۋ قىزمەتٸ جەنە تٷلەكتەردٸڭ ەڭبەك نارىعىنداعى سۇرانىسى سيياقتى نەگٸزگٸ كريتەرييلەر بويىنشا جاسالادى.
سوڭعى جىلدارى اكادەمييا ۇلتتىق جەنە حالىقارالىق دەڭگەيدە بٸرقاتار شىعارماشىلىق جەنە عىلىمي جوبالاردى تابىستى جٷزەگە اسىرىپ, زاماناۋي بٸلٸم بەرۋ باعدارلامالارىن ەنگٸزۋ ارقىلى تۇراقتى تٷردە كٶشباسشى مەرتەبەسٸنە يە.
اكادەمييا بٸلٸم الۋشىلارى بەدەلدٸ حالىقارالىق بايقاۋلاردا جوعارى نەتيجە كٶرسەتٸپ, جٷلدەلٸ ورىنداردى ەنشٸلەپ جٷر. وقۋ ورنىندا تەك قازاقستاننان عانا ەمەس, ەلەمنٸڭ تٷكپٸر-تٷكپٸرٸنەن كەلگەن بالالار بٸلٸم الىپ, كەسٸبي تۇرعىدا شىڭدالۋدا. شەكٸرتتەر ٷشٸن جان-جاقتى دامۋعا جاعداي جاسالىپ, حورەوگرافييا جەنە ٶنەر سالاسىنداعى ەلەمدٸك دەڭگەيدەگٸ ماماندارمەن تۇراقتى تٷردە شەبەرلٸك ساباقتارى ۇيىمداستىرىلادى, سونداي-اق شەتەلدٸڭ ٷزدٸك ۋنيۆەرسيتەتتەرٸندە اكادەمييالىق ۇتقىرلىق باعدارلاماسى ارقىلى بٸلٸمدەرٸن جەتٸلدٸرۋ مٷمكٸندٸگٸ بار.
