Foto: Gov.kz
2025 jylǵy Ulttyq reiting nátijesinde óner jáne sport salasy boiynsha bilim beretin joǵary oqý oryndary arasynda Qazaq ulttyq horeografiia akademiiasy úzdik dep tanyldy. Reitingti Bilim berý sapasyn qamtamasyzdandyrý boiynsha táýelsiz agenttigi (IQAA) ázirlegen, dep habarlaidy Ult.kz.
Bul – eldegi joǵary bilim berý salasyndaǵy bedeldi kórsetkishterdiń biri. Reiting joǵary oqý oryndarynyń akademiialyq bedeli, bilim berý sapasy, ǵylymi-zertteý qyzmeti jáne túlekterdiń eńbek naryǵyndaǵy suranysy siiaqty negizgi kriteriiler boiynsha jasalady.
Sońǵy jyldary Akademiia ulttyq jáne halyqaralyq deńgeide birqatar shyǵarmashylyq jáne ǵylymi jobalardy tabysty júzege asyryp, zamanaýi bilim berý baǵdarlamalaryn engizý arqyly turaqty túrde kóshbasshy mártebesine ie.
Akademiia bilim alýshylary bedeldi halyqaralyq baiqaýlarda joǵary nátije kórsetip, júldeli oryndardy enshilep júr. Oqý ornynda tek Qazaqstannan ǵana emes, álemniń túkpir-túkpirinen kelgen balalar bilim alyp, kásibi turǵyda shyńdalýda. Shákirtter úshin jan-jaqty damýǵa jaǵdai jasalyp, horeografiia jáne óner salasyndaǵy álemdik deńgeidegi mamandarmen turaqty túrde sheberlik sabaqtary uiymdastyrylady, sondai-aq sheteldiń úzdik ýniversitetterinde akademiialyq utqyrlyq baǵdarlamasy arqyly bilimderin jetildirý múmkindigi bar.
