قازاقستان مۇسىلماندارى دٸني باسقارماسى شاريعات جەنە پەتۋا بٶلٸمٸنٸڭ مامانى مەدەت قۇرماشۇلى قازا ورازاسىنا قاتىستى جيٸ قويىلاتىن ساۋالدارعا جاۋاپ بەردٸ, دەپ جازادى Sputnik قازاقستان.
قازا ورازانىڭ ۋاقىتى جەنە دۇعاسى
مەدەت قۇرماشۇلىنىڭ ايتۋىنشا, ٶتكەن ورازادان قارىزى قالعان ادامدار قازاسىن ورازا ايتتان كەيٸن, ياعني 6 ماۋسىمنان باستاپ ٶتەي بەرسە بولادى. قازا ورازانى بٶلٸپ تە, اراسىن ٷزبەي ۇستاۋعا دا بولادى.
"قازا ورازانى ٶتەگەن كەزدە, قازاقستان مۇسىلماندارى دٸني باسقارماسىنىڭ سايتىندا تۇرعان ناماز كەستەسٸن نەگٸزگە العان جٶن. تاڭ نامازىنىڭ ۋاقىتىنا دەيٸن اس-سۋىڭىزدى ٸشٸپ, "رامازان ايىنان قالعان قازا ورازانى ۇستاۋعا نيەت ەتتٸم" دەيسٸز. ال كەشتە شام نامازىنىڭ ۋاقىتى كٸرگەن سەتتە قازاقشا دۇعا قىلىپ, اۋزىڭىزدى اشا بەرسەڭٸز بولادى", - دەپ تٷسٸندٸردٸ قمدب مامانى.
قازا ورازانى قاي ۋاقىتقا دەيٸن ٶتەگەن دۇرىس?
"قازا ورازانى كەلەسٸ رامازان ايىنا دەيٸن ۇستاپ بٸتكەن جاقسى. ۇزاق سوزىپ, جٷرٸپ الماي, تەزدەتٸپ قۇتىلعان ابزال", - دەيدٸ مەدەت قۇرماشۇلى.
ول ٶتكەن ورازادان قالعان قارىزدى ٶتەۋ مٸندەتتٸ بولىپ سانالاتىنىن قاداپ ايتتى.
"قازا ورازا ادامنىڭ موينىندا قارىز بولىپ تۇرادى, سوندىقتان ٶتەگەن ابزال. ال ٶتەمەسە كٷنە بولادى", - دەدٸ قمدب ٶكٸلٸ.
قازا ورازاسى بار ادام قايتىس بولىپ كەتسە, نە بولادى?
مەدەت قۇرماشۇلىنىڭ ايتۋىنشا, ەگەر ادام رامازان ايىنىڭ ورازاسىنان قالعان قارىزىن ٶتەپ ٷلگەرمەي باقيلىق بولسا, وندا مارقۇمنىڭ تۋىسقاندارى قازا كٷندەرٸنە فيدييا تٶلەيدٸ.
"ەگەر ادام بەلگٸلٸ بٸر سەبەپتەرمەن ورازاسىن ٶتەي الماي قالسا, ۇستاماعان ەر كٷنٸندە بٸر كەدەيدٸ تاڭەرتەڭ جەنە كەشكە تاماقتاندىرۋى شارت. ياعني, جاعدايى جوق, مۇقتاج جاندارعا تاڭەرتەڭ جەنە كەشكە تاماق ٸشەتٸندەي اقشا بەرەدٸ. بٸز ونىڭ مٶلشەرٸن ەسەپتەپ شىعاردىق, بۇل شامامەن 1500 تەڭگە", - دەدٸ ول.
ەگەر مارقۇم ٶسيەت ەتٸپ كەتسە, وندا تۋىستارى فيدييانى ارتىندا قالعان دٷنيەسٸنەن بەرەدٸ. ال ٶسيەت ەتپەسە, قازا ورازاعا فيدييا تٶلەپ-تٶلەمەۋ – تۋعان-تۋىسقاندارىنىڭ ىقتييارى, بٸراق بەرگەنٸ دۇرىس سانالادى.
قازا ورازا مەن نەپٸل ورازانى قاتار ۇستاۋعا بولمايدى
مۇسىلمان جىل ساناۋى بويىنشا رامازان ايىنان كەيٸن شەۋۋەل ايى باستالادى.
"وسى ايدا التى كٷن ورازا ۇستاۋ – پايعامبارىمىزدىڭ (س.ع.س.) سٷننەتٸ. پايعامبارىمىز (س.ع.س.) "كٸمدە كٸم رامازان ايىنىڭ ورازاسىن ۇستاپ, سوسىن التى كٷن شەۋۋەل ايىندا اۋىز بەكٸتسە, ول بٸر جىل ورازا ۇستاعاننىڭ ساۋابىنداي ساۋاپ الادى" دەپ ايتقان. وسىعان قاراپ وتىرىپ, شەۋۋەل ايىندا التى كٷن ورازا ۇستاۋ نەپٸل بولىپ سانالادى. نەپٸل ورازا ەشكٸمگە مٸندەت ەمەس, ونى ۇستاۋ ادامنىڭ ٶز ەركٸندە. ۇستاماسا, كٷنە بولمايدى", - تٷسٸندٸردٸ دٸني باسقارما مامانى.
ايتۋىنشا, نەپٸل ورازانى شەۋۋەل ايىنىڭ كەز كەلگەن كٷنٸندە ۇستاۋعا بولادى. بٸراق, قازا ورازا مەن نەپٸل ورازانى قاتار ۇستاۋعا تىيىم سالىنعان.
"ەكٸ ورازاعا بٸردەي قاتارىنان نيەت ەتٸلمەيدٸ", - دەدٸ مەدەت قۇرماشۇلى.
