فوتو: اقوردا
مەملەكەت باسشىسى قاسىم-جومارت توقاەۆ پاسحا مەرەكەسٸمەن قۇتتىقتادى. بۇل تۋرالى اقوردانىڭ باسپاسٶز قىزمەتٸ حابارلادى.
"قۇرمەتتٸ وتانداستار!
ەلٸمٸزدە تۇراتىن بارشا حريستيانداردى پاسحا مەرەكەسٸمەن قۇتتىقتايمىن!
بۇل جارقىن مەيرام جۇرتتى رۋحاني تازارىپ, جاڭارۋعا ٷندەيدٸ. دٸندار ادامدارعا ٷمٸت سىيلاپ, ولاردى قۋانىشقا بٶلەيدٸ. بيىل پاسحانى دٷنيە جٷزٸندەگٸ پراۆوسلاۆ, كاتوليك جەنە پروتەستانت قاۋىمى بٸر كٷندە اتاپ ٶتٸپ جاتىر. مۇنىڭ سيمۆولدىق مەنٸ زور.
باسقا دٸندەرمەن قاتار حريستيان دٸنٸ دە قوعامىمىزدا ماڭىزدى رٶل اتقارادى. ەجەلدەن بيٸك گۋمانيستٸك يدەالداردى دەرٸپتەپ كەلە جاتقان پاسحا دەستٷرلەرٸ وتباسىلىق قۇندىلىقتاردى ساقتاۋعا جەنە حالقىمىزدىڭ ىنتىماعىن ارتتىرۋعا ىقپال ەتەدٸ, ازاماتتارىمىزدى مەيٸرٸمدٸلٸك پەن كەلٸسٸمگە شاقىرادى.
جالپىۇلتتىق بٸرلٸك, بارشا ەتنوس پەن كونفەسسييا ٶكٸلدەرٸ اراسىنداعى تاتۋلىق پەن ٶزارا تٷسٸنٸستٸك قاشاندا قازاقستاننىڭ تۇراقتى ٶسٸپ-ٶركەندەۋٸنٸڭ مىزعىماس تۇعىرى بولىپ قالا بەرەدٸ دەپ سەنەمٸن.
پاسحا مەرەكەسٸ ەر شاڭىراقتى ماحاببات پەن شاتتىققا كەنەلتسٸن!
ەلٸمٸزدٸڭ ەر ازاماتىنا زور دەنساۋلىق, باق-بەرەكە جەنە تولاعاي تابىس تٸلەيمٸن!", - دەپ جازىلعان حابارلامادا.
