Foto: Aqorda
Memleket basshysy Qasym-Jomart Toqaev Pasha merekesimen quttyqtady. Bul týraly Aqordanyń baspasóz qyzmeti habarlady.
"Qurmetti otandastar!
Elimizde turatyn barsha hristiandardy Pasha merekesimen quttyqtaimyn!
Bul jarqyn meiram jurtty rýhani tazaryp, jańarýǵa úndeidi. Dindar adamdarǵa úmit syilap, olardy qýanyshqa bóleidi. Biyl Pashany dúnie júzindegi pravoslav, katolik jáne protestant qaýymy bir kúnde atap ótip jatyr. Munyń simvoldyq máni zor.
Basqa dindermen qatar hristian dini de qoǵamymyzda mańyzdy ról atqarady. Ejelden biik gýmanistik idealdardy dáriptep kele jatqan pasha dástúrleri otbasylyq qundylyqtardy saqtaýǵa jáne halqymyzdyń yntymaǵyn arttyrýǵa yqpal etedi, azamattarymyzdy meiirimdilik pen kelisimge shaqyrady.
Jalpyulttyq birlik, barsha etnos pen konfessiia ókilderi arasyndaǵy tatýlyq pen ózara túsinistik qashanda Qazaqstannyń turaqty ósip-órkendeýiniń myzǵymas tuǵyry bolyp qala beredi dep senemin.
Pasha merekesi ár shańyraqty mahabbat pen shattyqqa keneltsin!
Elimizdiń ár azamatyna zor densaýlyq, baq-bereke jáne tolaǵai tabys tileimin!", - dep jazylǵan habarlamada.
