فوتو: اقوردا
مەملەكەت باسشىسى بٷگٸنگٸ باسقوسۋدىڭ تاريحي مەن-ماڭىزى ايرىقشا ەكەنٸن اتاپ ٶتٸپ, قازاقستان حالقى اسسامبلەياسىنىڭ 30 جىلدىق مەرەيتويىمەن قۇتتىقتادى, دەپ حابارلايدى Ult.kz.
"بۇل – بٷكٸل قازاقستان ٷشٸن ايتۋلى وقيعا. وسى ۋاقىت ٸشٸندە اسسامبلەيا قوعامداعى تۇراقتىلىق پەن كەلٸسٸمدٸ نىعايتۋعا ٶلشەۋسٸز ٷلەس قوستى. ەلٸمٸزدەگٸ بٸرلٸك پەن تەڭدٸكتٸڭ, تۇراقتىلىق پەن تىنىشتىقتىڭ سيمۆولىنا اينالدى. ەتنوسارالىق قاتىناس سالاسىنداعى تەڭدەسسٸز قوعامدىق ينستيتۋت رەتٸندە تانىلدى. سونىڭ ارقاسىندا قازاقستاندا بەيبٸتشٸلٸك پەن كەلٸسٸمنٸڭ قايتالانباس ٷلگٸسٸ قالىپتاستى", - دەپ اتاپ ٶتتٸ پرەزيدەنت.
ايتۋىنشا, 1995 جىلى قازاقستاننىڭ تۇڭعىش پرەزيدەنتٸ نۇرسۇلتان نازارباەۆتىڭ باستاماسىمەن قۇرىلعان ۇيىم قازاق مەملەكەتتٸلٸگٸ قالىپتاسىپ جاتقان قيىن كەزەڭدە تەرەڭ ساياسي مەنگە يە بولدى.
"سەناتتىڭ بەس دەپۋتاتىن اسسامبلەيا كەڭەسٸنٸڭ ۇسىنىسىمەن پرەزيدەنت تاعايىندايدى. بۇل قادام زاڭنامالىق دەڭگەيدە بارلىق ەتنوستىڭ مٷددەسٸن قورعاۋ مٷمكٸندٸگٸن ەدەۋٸر ارتتىردى. وعان قوسا, قازاقستان پارلامەنتاريزمٸ تاريحىندا العاش رەت «بٸر ەل – بٸر مٷددە» اتتى پالاتاارالىق دەپۋتاتتار توبى قۇرىلدى. بۇل توپ قوعامدىق كەلٸسٸمدٸ نىعايتۋ مەسەلەلەرٸمەن اينالىسادى. قازٸر مەملەكەتتٸك ورگاندار تٷگەل اسسامبلەيا جۇمىسىنا اتسالىسادى. مينيسترلٸكتەردەن, وبلىس ەكٸمدٸكتەرٸ مەن بارلىق دەڭگەيدەگٸ مەسليحاتتاردان باستاپ اۋىل ەكٸمدٸكتەرٸنە دەيٸن ودان شەت قالمايدى", - دەدٸ قاسىم-جومارت توقاەۆ.
مەملەكەت باسشىسى اسسامبلەيا قوعامدىق ۇيىمدارمەن جەنە ينستيتۋتتارمەن تىعىز بايلانىستا جۇمىس ٸستەپ, ەلٸمٸزدٸڭ ٸشكٸ ساياساتىن جٷزەگە اسىرۋعا بەلسەنە اتسالىسىپ كەلە جاتقانىن ايتتى. وسىلايشا, مەملەكەت پەن قوعام اراسىندا سىندارلى ەرٸ جەمٸستٸ ديالوگ ورناتۋعا ىقپال ەتۋدە.
"ەتنوسارالىق تٷسٸنٸسپەۋشٸلٸكتەردٸڭ الدىن الۋدا ماڭىزدى رٶل اتقاراتىن قحا-نىڭ ەتنومەدياتسييا ينستيتۋتىنا توقتالعىم كەلەدٸ. سوڭعى ۋاقىتتا اسسامبلەيا قىزمەتٸندەگٸ ساراپشىلىق قۇرامنىڭ ساپاسى جاڭا دەڭگەيگە كٶتەرٸلدٸ. عىلىمي-ساراپشىلار كەڭەسٸ مەن 42 اسسامبلەيا كافەدراسى ۇلت قۇرىلىمى مەن ەتنوسارالىق قارىم-قاتىناستار ٷدەرٸسٸن زەرتتەيتٸن 360-تان استام ساراپشىنى بٸرٸكتٸرٸپ وتىر", - دەدٸ مەملەكەت باسشىسى.
