فوتو: اقوردا
قازاقستان پرەزيدەنتٸ قاسىم-جومارت توقاەۆ Qasr Al Shatie سارايىندا بٸرٸككەن اراب ەمٸرلٸكتەرٸنٸڭ پرەزيدەنتٸ شەيح مۇحاممەد بەن زايد ەل ناحايانمەن كەزدەستٸ دەپ حابارلايدى Ult.kz.
مەملەكەت باسشىسى كٶرسەتكەن سىي-قۇرمەتٸ مەن قوناقجايلىعى ٷشٸن باە پرەزيدەنتٸنە ريزاشىلىعىن جەتكٸزٸپ, «ابۋ دابيدٸڭ ورنىقتى دامۋ اپتالىعىنىڭ» سەتتٸ ٶتۋٸنە تٸلەكتەستٸك بٸلدٸردٸ.
قاسىم-جومارت توقاەۆ 2023 جىلى شەيح مۇحاممەد بەن زايد ەل ناحايانمەن ابۋ دابيدە جەنە دۋبايدا ٶتكەن كەزدەسۋلەردٸ ىقىلاسپەن ەسكە الىپ, كەلٸسسٶزدەر نەتيجەسٸ ەكٸجاقتى قاتىناستارعا تىڭ سەرپٸن بەرگەنٸنە ەرٸ ىقپالداستىقتىڭ جاڭا باعىتتارىنا جول اشقانىنا نازار اۋداردى.
"باە – بٸزدٸڭ اراب ەلەمٸندەگٸ باستى سەرٸكتەسٸمٸز. ەلدەرٸمٸزدٸڭ يگٸلٸگٸ ٷشٸن ەكٸجاقتى جەنە كٶپجاقتى بايلانىستاردىڭ بارلىق باعىتى بويىنشا تىعىز ىنتىماقتاستىق قۇرۋعا نيەتتٸمٸز. مەن دوستىق, ٶزارا سەنٸم مەن قۇرمەتكە نەگٸزدەلگەن ستراتەگييالىق سەرٸكتەستٸگٸمٸزدٸ نىعايتۋعا سٸزدٸڭ قوسقان ٷلەسٸڭٸزدٸ جوعارى باعالايمىن. اسا مەرتەبەلٸ پرەزيدەنت مىرزا, سٸزدٸ ٶز ەلٸمدە قۇشاق جايا قارسى الۋعا دايىنمىن. قازاقستانعا جاسايتىن ساپارىڭىز ەكٸجاقتى ىنتىماقتاستىقتى نىعايتۋدىڭ جاڭا كەزەڭٸنە باستاۋ بولاتىنىنا سەنٸمدٸمٸن", – دەدٸ مەملەكەت باسشىسى.
پرەزيدەنت بٷگٸندە باە ەلٸمٸزدٸڭ ەكونوميكاسىنا قارجى قۇيعان ون ٸرٸ شەتەلدٸك ينۆەستوردىڭ قاتارىنا كٸرەتٸنٸن اتاپ ٶتتٸ.
"بىلتىر باە-دەن كەلگەن تٸكەلەي ينۆەستيتسييا كٶلەمٸ ەكٸ ەسەگە ۇلعايدى. ابۋ دابيدەگٸ كەزدەسۋ بارىسىندا بٸز تاۋار اينالىمىن 1 ميلليارد دوللارعا جەتكٸزەمٸز دەپ ماقسات قويدىق. ەكٸ ەل ٷكٸمەتتەرٸ ساۋدا-ساتتىقتىڭ وڭ قارقىنىن قالىپتاستىرۋ ٷشٸن ناقتى ەكونوميكالىق كٷن تەرتٸبٸنە مەن بەرگەنٸ جٶن. ستراتەگييالىق ينۆەستيتسييالىق جوبالاردى قۇرۋ تۋرالى بٸرلەسكەن دەكلاراتسييانى جٷزەگە اسىرۋعا سٸزدٸڭ تاراپىڭىزدان قولداۋ كٶرسەتٸلەدٸ دەپ سەنەمٸز. بۇل قۇجات اياسىندا ەمٸرلٸكتەردٸڭ كومپانييالارىمەن كٶلٸك-لوگيستيكا, ەنەرگەتيكا, قارجى, تۋريزم جەنە باسقا دا كٶپتەگەن سالادا بەلسەندٸ ىنتىماقتاستىق جٷرگٸزٸپ كەلەمٸز. بۇل سەرٸكتەستٸك ەلدەرٸمٸزدٸڭ ٶسٸپ-ٶركەندەۋٸنە سەپتٸگٸن تيگٸزەدٸ", – دەدٸ قاسىم-جومارت توقاەۆ.
