فوتو: ۆەدوموستي/PhotoXPress.ru
مەدەنيەت جەنە سپورت مينيسترٸ اسحات ورالوۆ ۆيتسە-مينيسترلەردٸڭ, كوميتەت تٶراعالارىنىڭ جەنە باعىنىستى مەكەمە باسشىلارىنىڭ قاتىسۋىمەن اپپارات كەڭەسٸن ٶتكٸزدٸ. كٷن تەرتٸبٸندەگٸ باستى تاقىرىپ – كٶرەرمەندەردٸڭ سۇرانىسىنا يە كاسسالىق فيلمدەردٸ مەملەكەتتٸك تٸلدە دۋبلياجداۋ.
«جىل باسىنان قازاقستاندا بٸرنەشە ٸرٸ كينوپرەمەرا ٶتتٸ. ولاردىڭ كەيبٸرٸ قازاق تٸلٸندە دۋبلياجدىڭ بولماۋىنا بايلانىستى كٶرەرمەندەرٸمٸزدٸڭ نازارىنان تىس قالدى. مەن حالىقتىڭ پٸكٸرٸن باقىلاپ وتىرمىن. بٸز بۇل مەسەلەنٸ ەشقاشان ەستەن شىعارمايمىز. كاسسالىق فيلمدەر اۋديتوريياعا مەملەكەتتٸك تٸلدە قولجەتٸمدٸ بولۋى كەرەك. مىسالى, بىلتىر مەدەنيەت جەنە سپورت مينيسترلٸگٸنٸڭ قولداۋىمەن كٶرەرمەندەردٸڭ قىزىعۋشىلىعىن تۋدىرعان 3 كينوپرەمەرا قازاق تٸلٸندەگٸ دۋبلياجبەن شىقتى. بيىل بٸز مەدەنيەت سالاسىن دامىتۋدىڭ 7 جىلدىق تۇجىرىمداماسىن ەزٸرلەپ, ٷكٸمەت قاۋلىسىمەن بەكٸتتٸك. ەندٸ جىل سايىن كەم دەگەندە 15 كينوپرەمەراعا قازاق تٸلٸندە دۋبلياج جاسالۋى كەرەك دەگەن مٸندەت قويدىق», - دەدٸ اسحات ورالوۆ.
ايتا كەتۋ كەرەك, مەدەنيەت جەنە سپورت مينيسترٸ ناۋرىز ايىندا مەملەكەتتٸك تٸلگە دۋبلياج جاساۋ ٷشٸن فيلمدەردٸ ٸرٸكتەۋ ەرەجەسٸن بەكٸتتٸ. مينيسترلٸك الداعى بٸرنەشە جىلدا جالپى پروكاتتاعى قازاق تٸلٸندەگٸ فيلمدەردٸڭ ٷلەسٸن 30%-عا دەيٸن جەتكٸزۋگە نيەتتٸ. بۇل كٶرسەتكٸش كاسسالىق شەتەلدٸك فيلمدەرگە مەملەكەتتٸك تٸلدە دۋبلياج جاساۋ ارقىلى دا ارتۋى تيٸس.
«تاعى بٸر ٶزەكتٸ مەسەلە - قازاقشا دۋبلياجبەن شىعاتىن كارتينالار سەانسى ەردايىم كٶرەرمەندەرگە ىڭعايلى ۋاقىتتا قويىلا بەرمەيدٸ. بۇل تۋرالى دا ماعان ەلەۋمەتتٸك جەلٸدە جيٸ جازادى. فيلمدٸ مەملەكەتتٸك تٸلدە كٶرگٸسٸ كەلەتٸندەر كٶبٸنەسە تٷندە كينوعا بارۋعا مەجبٷر. بۇل, ەرينە, دۇرىس ەمەس. بٸز كينوتەاترلاردىڭ جەكەمەنشٸك كەسٸپ نىسانى ەكەنٸن تٷسٸنەمٸز. دەگەنمەن دە مەملەكەتتٸك تۇرعىدان بٸز دٷنيەجٷزٸ كٶرەتٸن كينوپرەمەرالاردىڭ قازاق تٸلٸندە جەنە ىڭعايلى ۋاقىتتا كٶرسەتٸلۋٸن قامتاماسىز ەتۋگە مٸندەتتٸمٸز. سوندىقتان جەكە كەسٸپكەرلەرمەن, كينوتەاترلاردىڭ يەلەرٸمەن وسى باعىتتاعى جۇمىستى جانداندىرۋىمىز قاجەت», - دەدٸ مەدەنيەت جەنە سپورت مينيسترٸ اسحات ورالوۆ.
