اتىراۋ وبلىسىندا كاسپيي جاعالاۋىندا 10 كٷن جانعان قامىس ٶرتٸ سٶندٸرٸلدٸ, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, قامىس ٶرتٸ 5 قازاندا اتىراۋ وبلىسىنىڭ قۇرمانعازى اۋدانىنداعى قۇرمانعازى اۋىلىنان 60 شاقىرىم جەردەگٸ كاسپيي تەڭٸزٸنٸڭ جاعالاۋىندا تۇتانعان. ال, 7 قازاندا قامىس ٶرتٸن سٶندٸرۋ ٷشٸن سۋ شاشاتىن ۆسۋ-5 قۇرىلعىسى بار «مي-871» تٸكۇشاعى تارتىلدى. سونداي-اق, وبلىستىق تٶتەنشە جاعدايلار دەپارتامەنتٸنٸڭ 18 قىزمەتكەرٸ مەن قۇرمانعازى اۋداندىق بٶلٸمٸنەن قۇتقارۋشىلار جۇمىلدىرىلدى.
كەيٸن جانۋ وشاعىنا جاقىن ورنالاسقان سۋ كٶزٸن ٸزدەۋ ماقساتىندا «قازاۆياقۇتقارۋ» اق باتىس ٶڭٸرلٸك فيليالىنىڭ «مي-871» تٸكۇشاعى ساعات 12:12-دە ەۋەگە كٶتەرٸلدٸ. ەكيپاج 5 شاقىرىم قاشىقتا ورنالاسقان سۋ قويماسىن تاپقان. «مي-871» تٸكۇشاعىنىڭ ۆسۋ-5 سۋ اعىزۋ قۇرىلعىسىمەن جانۋ وشاقتارىنا ەۋەدەن 30 توننا سۋ تٶگٸلدٸ.
وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ 11 قازاندا جەرگٸلٸكتٸ ۋاقىتپەن ساعات 12:00-گە دەيٸن جاعالاۋداعى قامىس ٶرتٸنٸڭ ەكٸ فرونتالدى جانۋ وشاعى انىقتالعانىن مەلٸم ەتتٸ. سول كٷنٸ كاسپيي جاعالاۋىنداعى 550 گەكتار اۋماقتا قامىس جانعانى انىقتالدى. تٸكۇشاقتىڭ سۋ شاشۋ قۇرىلعىسىمەن 21 رەت سۋ تٶگٸلدٸ. جالىندى سٶندٸرۋ ٷشٸن تٶگٸلگەن سۋدىڭ مٶلشەرٸ 63 توننانى قۇراعان.
كەشە, 14 قازاندا ساعات 17.30-دا كاسپيي تەڭٸزٸنٸڭ جاعالاۋىندا قامىس ٶرتٸ تولىعىمەن جويىلدى.
«قامىس ٶرتٸنەن زارداپ شەككەندەر جوق. جاعالاۋداعى ٶرت اۋماعى 550 گەكتار اۋماقتى قۇرادى. سۋ اعىزۋ قۇرىلعىسى بار تٸكۇشاقتىڭ كٶمەگٸمەن 35 گەكتاردا جانعان جالىن سٶندٸرٸلدٸ. جەكە قۇرامنىڭ كٷشٸمەن 272 گەكتاردى شارپىعان ٶرت جويىلدى. ال, 243 گەكتاردىڭ ٶرتٸ ٶزدٸگٸنەن سٶندٸ. «قازاۆياقۇتقارۋ» اق-نىڭ تٸكۇشاعىمەن ٶرت وشاعىنا 63 توننادان استام سۋ تٶگٸلدٸ» - دەپ مەلٸم دەپارتامەنتتٸڭ باسپاسٶز قىزمەتٸنەن.
كاسپيي تەڭٸزٸنٸڭ جاعالاۋىنداعى قامىس ٶرتٸن سٶندٸرۋگە دەپارتامەنتتٸڭ جەكە قۇرامىنان 34 ادام, 5 تەحنيكا, 4 موتوسورعىش, 1 گەنەراتور, 40 جەڭ, 1 ٷرلەمەلٸ شاتىر, سونداي-اق, و.كٶشەكوۆ اتىنداعى اتىراۋ اگرارلىق-تەحنيكالىق كوللەدجٸنٸڭ 1 John Deere-6135b تراكتورى مەن 1 قىزمەتكەرٸ, «قازاۆياقۇتقارۋ» اق-دان مي-871 تٸكۇشاعى مەن 5 ادام تارتىلعان.
قۇرمانعازى اۋدانىنىڭ ەكٸمدٸگٸ قامىس ٶرتٸن سٶندٸرۋششٸلەرگە ازىق-تٷلٸك ٶنٸمدەرٸ مەن جانار-جاعار ماي جەتكٸزۋدٸ ۇيىمداستىرعان.
