قازاقستاندا قارجى سەكتورىن دامىتۋدىڭ 2030 جىلعا دەيٸنگٸ تۇجىرىمداماسى ەزٸرلەنەدٸ. بۇل تۋرالى قارجى نارىعىن رەتتەۋ جەنە دامىتۋ اگەنتتٸگٸنٸڭ تٶراعاسى مادينا ەبٸلقاسىموۆا مەلٸم ەتتٸ, دەپ حابارلايدى قازاقپارات.
«اگەنتتٸك قارجى جٷيەسٸنٸڭ ۇزاق مەرزٸمدٸ تۇراقتىلىعىن, ونىڭ ٸشٸندە تەۋەكەلگە باعدارلانعان قاداعالاۋ قۇرالدارىن ودان ەرٸ كەڭەيتۋ ارقىلى قامتاماسىز ەتەدٸ. بانك جٷيەسٸنٸڭ تۇراقتىلىعىن قامتاماسىز ەتۋ جەنە بيزنەستٸ كرەديتتەۋ ٷشٸن 2020 جىلى ەنگٸزٸلگەن پرۋدەنتسييالىق رەتتەۋدٸڭ ۋاقىتشا شارالارى قايتا قارالادى. قارجى نارىعىن دامىتۋدىڭ ورتا مەرزٸمدٸ پەرسپەكتيۆاداعى ستراتەگييالىق باعىتتارىن ايقىنداۋ ٷشٸن بيىل قارجى سەكتورىن دامىتۋدىڭ 2030 جىلعا دەيٸنگٸ تۇجىرىمداماسى ەزٸرلەنەدٸ», - دەدٸ مادينا ەبٸلقاسىموۆا ٷكٸمەت وتىرىسىندا ماكروەكونوميكالىق ساياسات شارالارىن ٷيلەستٸرۋ تۋرالى كەلٸسٸمدٸ تالقىلاۋ بارىسىندا.
ونىڭ ايتۋىنشا جۇمىس ٸستەمەيتٸن اكتيۆتەردٸڭ ٶتٸمدٸ نارىعىن قۇرۋ ماقساتىندا قۇقىقتىق جەنە سالىق كەدەرگٸلەرٸن جويۋ ٷشٸن, سونداي-اق سترەستٸك اكتيۆتەر نارىعىنا جەكە باسقارۋشى كومپانييالاردى تارتۋ ٷشٸن زاڭنامالىق تٷزەتۋلەر ەزٸرلەنەدٸ.
«قور نارىعىنا جەرگٸلٸكتٸ جەنە شەتەلدٸك جەكە ينۆەستورلاردى كەڭٸنەن تارتۋ ٷشٸن حالىقتىق IPO فورماتىنىڭ تەسٸلدەرٸ ايقىندالادى. شاعىن جەنە ورتا كاپيتالى بار جەكە قازاقستاندىق ەميتەنتتەر سانىن ۇلعايتۋ مٸندەتٸ تۇر. ول ٷشٸن اگەنتتٸك سالىقتىق جەنە ٶزگە دە تالاپتاردى ەزٸرلەيدٸ», - دەدٸ ول.
