قاراعاندى وبلىسىندا كارانتين كەزٸندە توي جاساعان شەنەۋنٸك جۇمىستان بوساتىلدى. بۇل تۋرالى ٶڭٸر باسشىسى جەڭٸس قاسىمبەك ونلاين رەجيمٸندە ٶتكەن اپپاراتتىق كەڭەستە ايتتى, دەپ حابارلايدى "ۇلت اقپارات".
«بٷگٸنگٸ كٷننەن باستاپ جەر قاتىناستارى باسقارماسىنىڭ باسشىسى قالەل مۇقاتايۇلى ماقسۇتوۆ كارانتيندٸ ٶرەسكەل بۇزۋ, ياعني پاندەمييا كەزٸندە توي ۇيىمداستىرۋىنا بايلانىستى قىزمەتٸنەن بوساتىلدى. تاعى دا ەسكەرتەمٸن, مۇنداي زاڭسىزدىقتار ٷشٸن جازا ٶتە قاتال بولادى. مۇندا مەملەكەتتٸك قىزمەتشٸنٸڭ قىزمەتتٸك ەتيكاسىنىڭ بارلىق نورمالارى بۇزىلعان» - دەدٸ وبلىس ەكٸمٸ.
جەڭٸس قاسىمبەك سونداي-اق مونيتورينگتٸك توپ مٷشەلەرٸن پرينتسيپتٸلٸككە شاقىردى.
«سٸزدەر بٸرەۋدٸڭ مٷددەسٸ ٷشٸن جۇمىس ٸستەۋ ٷشٸن ەمەس, ازاماتتاردىڭ دەنساۋلىعىن قورعاۋ ٷشٸن قۇرىلعان توپسىزدار! وسىنداي ٸس-شارالاردى توقتاتىپ, جارييا ەتٸڭٸزدەر. سٸزدەر ٶزدەرٸڭٸز باقىلاۋ كامەرالارىنا قاراي وتىرىپ جۇمىس ٸستەيتٸندەرٸڭٸزدٸ ايتقان بولاتىنسىزدار. سوندىقتان مۇقييات قاراڭىزدار. سالىنعان تىيىم بارلىعىنا بٸردەي», - دەپ اتاپ ٶتتٸ وبلىس ەكٸمٸ.
ەسكە سالساق, وقيعا 7 تامىزدا بولعان. توي بولىپ جاتقان مەيرامحاناعا قاراعاندى قالاسىنىڭ پوليتسييا, سانەپيدباقىلاۋ جەنە ەكٸمدٸك قىزمەتكەرلەرٸنەن تۇراتىن موبيلدٸ توپ شىقتى. مەكەمەنٸڭ جانىندا كٶپتەگەن كٶلٸكتەر بولعاندىقتان جەنە مەيرامحانانىڭ ٶزٸندە 500-گە جۋىق ادام بولعاندىقتان, اۋماقتى قورشاۋ ٷشٸن پوليتسييانىڭ قوسىمشا ناريادى شاقىرىلدى. سونداي-اق, 500 ادام جيناپ توي ٶتكٸزگەن شەنەۋنٸك قىزمەتٸنەن بوساتىلۋى مٷمكٸن ەكەنٸ تۋرالى دا ايتىلدى.
ايتا كەتەيٸك, قاراعاندى وبلىسى «قارا-قىزىل» ايماقتا ورنالاسقان. ٶڭٸردە كٷن سايىن Covid-19 جۇقتىرۋدىڭ مىڭعا جۋىق جاڭا جاعدايى تٸركەلەدٸ. وبلىستىڭ باس سانيتارلىق دەرٸگەرٸنٸڭ قاۋلىسىمەن شەكتەۋلەر كٷشەيتٸلدٸ.
