قاراعاندى وبلىسىنداعى دالا ٶرتٸنەن قۇتقارۋشى قازا تاپتى, دەپ حابارلايدى قر تجم باسپاسٶز قىزمەتٸنە سٸلتەمە جاساعان Ult.kz.
وقيعا 6 قازاندا قاراعاندى وبلىسىندا قارقارالى اۋدانىندا بولعان.
"دالا ٶرتٸن سٶندٸرۋ بارىسىندا ٶز قىزمەتتٸك مٸندەتٸن اتقارۋ كەزٸندە 24-ٶرت سٶندٸرۋ بٶلٸمٸنٸڭ اعا ٶرت سٶندٸرۋشٸ-قۇتقارۋشىسى 1991 جىلى تۋعان حالي حايرات قازا تاپتى. سەرجانت ازاماتتىق قورعاۋ ورگاندارىندا 2014 جىلدان باستاپ جۇمىس ٸستەگەن", - دەلٸنگەن حاباردا.
وقيعانىڭ مەن-جايى انىقتالىپ جاتىر. سوتقا دەيٸنگٸ تەرگەۋ باستالدى.
ۆەدومستۆونىڭ اپاتتار مەديتسيناسى ورتالىعىنىڭ پسيحولوگتارى قايتىس بولعان قىزمەتكەردٸڭ تۋىستارىنا قاجەتتٸ پسيحولوگييالىق كٶمەك كٶرسەتٸپ جاتقانى ايتىلادى.
"قازاقستان رەسپۋبليكاسى تٶتەنشە جاعدايلار مينيسترلٸگٸ ٶرت سٶندٸرۋشٸنٸڭ تۋىستارى مەن جاقىندارىنا كٶڭٸل ايتادى. تجم قازا تاپقان ٶرت سٶندٸرۋشٸنٸڭ وتباسىنا جان-جاقتى كٶمەك پەن قولداۋ كٶرسەتەدٸ", - دەيدٸ باسپاسٶز قىزمەتٸ ٶكٸلدەرٸ.
ايتا كەتەيٸك, قاراعاندى وبلىسىندا كەشە ٸرٸ دالا ٶرتٸ شىققانى حابارلانعان.
