Qaraǵandy oblysyndaǵy dala órtinen qutqarýshy qaza tapty, dep habarlaidy QR TJM baspasóz qyzmetine silteme jasaǵan Ult.kz.
Oqiǵa 6 qazanda Qaraǵandy oblysynda Qarqaraly aýdanynda bolǵan.
"Dala órtin sóndirý barysynda óz qyzmettik mindetin atqarý kezinde 24-órt sóndirý bóliminiń aǵa órt sóndirýshi-qutqarýshysy 1991 jyly týǵan Hali Hairat qaza tapty. Serjant azamattyq qorǵaý organdarynda 2014 jyldan bastap jumys istegen", - delingen habarda.
Oqiǵanyń mán-jaiy anyqtalyp jatyr. Sotqa deiingi tergeý bastaldy.
Vedomstvonyń Apattar meditsinasy ortalyǵynyń psihologtary qaitys bolǵan qyzmetkerdiń týystaryna qajetti psihologiialyq kómek kórsetip jatqany aitylady.
"Qazaqstan Respýblikasy Tótenshe jaǵdailar ministrligi órt sóndirýshiniń týystary men jaqyndaryna kóńil aitady. TJM qaza tapqan órt sóndirýshiniń otbasyna jan-jaqty kómek pen qoldaý kórsetedi", - deidi baspasóz qyzmeti ókilderi.
Aita keteiik, Qaraǵandy oblysynda keshe iri dala órti shyqqany habarlanǵan.
