قاراعاندى وبلىسى شەت اۋدانىنىڭ ەكٸ تۇرعىنى 174 ميلليون تەڭگەگە الاياقتىق جاسادى دەگەن كٷدٸكپەن ۇستالدى. ولار ٶزدەرٸنە سەنٸپ تاپسىرىلعان جىلقىلاردى ساتىپ جٸبەرگەن. اتالمىش ٸس بويىنشا بارلىعى 50-دەن استام جەبٸرلەنۋشٸ تىڭدالىپ جاتىر, دەپ حابارلايدى "ۇلت اقپارات".
باقتاشىلار 2007 جىلدان 2020 جىلعا دەيٸن جىلقىلاردى باعۋمەن اينالىسقان. وسى ۋاقىت ٸشٸندە ولار 507 باس مالدى ساتىپ, ايىرباستاپ, «جوعالتىپ» جٸبەرگەن. جىلقى يەلەرٸ مال سانىنىڭ جەتٸسپەيتٸنٸن تەك 2020 جىلدىڭ قاراشا ايىندا بٸلگەن.
«كٷدٸكتٸلەردٸڭ ەكەۋٸ دە شەت اۋدانىنىڭ تۋمالارى. ولار جىلقىلاردى باعۋمەن اينالىسقان. جىلقى يەلەرٸمەن جازباشا كەلٸسٸم بولماعان. اۋىزشا كەلٸسٸم بويىنشا باعۋمەن اينالىسقان. ادامدار ولارعا جەرلەس بولعاندىقتان سەنگەن. مال جايۋ كەزٸندە ەلگٸلەر 507 جىلقىنى ساتىپ جەنە ايىرباستاپ ٷلگەرگەن. سونىمەن قاتار, كەيبٸر جىلقىلاردى تٸرٸدەي, ال كەيبٸرٸن سويىپ ساتقان. ول جايلى مال يەلەرٸ بٸلمەگەن. بٸرنەشە ادام بٸر جىلقىعا يە بولعان جاعدايلار دا بولدى, سەبەبٸ ونى باقتاشىلار بٸرنەشە رەت الماستىرىپ وتىرعان. سونداي-اق ناقتى قانشا رەت تٶلدەپ, قانشا قۇلىن بارىن جاسىرىپ كەلگەن. مىسالى, بيە وسى جىلدار ٸشٸندە 13 رەت قۇلىنداسا, باقتاشىلار بار بولعانى 5 قۇلىن جايلى عانا ايتقان», - دەيدٸ قاراعاندى وبلىسى پد تەرگەۋ باسقارماسىنىڭ اسا ماڭىزدى ٸستەر جٶنٸندەگٸ اعا تەرگەۋشٸسٸ قانات سايلاۋۇلى.
شوپانداردىڭ الاياقتىق ەرەكەتتەرٸ تەك 2020 جىلدىڭ قاراشا ايىندا اشىلدى. سوعىم سويۋ ماۋسىمى الدىندا بٸرنەشە جەبٸرلەنۋشٸ مالدارىن ەكەلۋدٸ سۇراعان. ال مالدى ايداپ الىپ كەلە الماعان كەزدە, جىلقى يەلەرٸ بۇل جەردە شيكٸلٸك بارىنا كٷدٸكتەنٸپ, مەسەلەنٸ انىقتاي باستاعان. شىندىقتى بٸلگەن بەتتە جەبٸرلەنۋشٸلەر بٸرٸنەن سوڭ بٸرٸ جەرگٸلٸكتٸ پوليتسييا بٶلٸمٸنە ٶتٸنٸش جازا باستاعان.
«ەگەر جىلقى يەلەرٸ اي سايىن جانۋارلاردىڭ بار-جوعىن تەكسەرٸپ, ولارعا تاڭبا سالىپ وتىرسا, الاياقتىقتى ەرتەرەك انىقتاۋعا بولار ەدٸ. ادامدار بەلگٸلٸ بٸر جىلقىسىن الىپ كەلۋدٸ سۇراعاندا, ولار ٷيٸر الىستا جايىلىپ جٷرگەنٸن ايتىپ سىلتاۋراتقان. كەيبٸرەۋلەر تٸپتٸ جىلقىلارىن تانىماعان. ولارعا باقتاشىلار باسقا جىلقىنى كٶرسەتە سالعان», - دەيدٸ قانات سايلاۋۇلى.
قازٸرگٸ ۋاقىتتا قر قك 190-بابىنىڭ 3-بٶلٸگٸ «ٸرٸ كٶلەمدەگٸ الاياقتىق» بويىنشا قىلمىستىق ٸس قوزعالدى. ەگەر ولاردىڭ كٸنەسٸ تولىعىمەن دەلەلدەنسە, 3 جىلدان 7 جىلعا دەيٸن باس بوستاندىعىنان ايىرىلۋى مٷمكٸن.
«كٷدٸكتٸلەر كٸنەنٸ ٸشٸنارا مويىندادى. وسى ايدىڭ سوڭىنا دەيٸن ٸس بويىنشا تەرگەۋ جٷرگٸزۋ اياقتالادى جەنە ول سوتقا بەرٸلەدٸ», - دەپ قوستى اعا تەرگەۋشٸ.
