قاڭتار وقيعاسى بويىنشا تەرگەۋ ورگاندارىنىڭ ٸس جٷرگٸزۋٸندە 5 041 قىلمىستىق ٸس بار. بۇل تۋرالى ورتالىق كوممۋنيكاتسييالار قىزمەتٸندە قر باس پروكۋراتۋراسى 1-قىزمەت باسشىسىنىڭ ورىنباسارى ەلدوس قيلىمجانوۆ ايتتى, دەپ حابارلايدى قازاقپارات.
«باس پروكۋراتۋرا قاڭتار وقيعالارىنا بايلانىستى قىلمىستىق ٸستەردٸڭ تەرگەلۋ بارىسى تۋرالى حابارلايدى. جاپپاي تەرتٸپسٸزدٸكتەر مەن تەرروريزم اكتٸلەرٸ الماتى, شىمكەنت قالالارى, اقتٶبە, اتىراۋ, الماتى, جامبىل, قىزىلوردا جەنە شىعىس قازاقستان وبلىستارىندا بولعان. ەربٸر ٶڭٸردە تەرگەۋ توپتارى تەرگەۋ ەرەكەتتەرٸن جٷرگٸزٸپ, ولاردىڭ اياقتالۋىنا قاراي قىلمىستىق ٸستەر سوتقا جولدانۋدا. قازٸرگٸ كەزدە تەرگەۋ ورگاندارىنىڭ ٸس جٷرگٸزۋٸندە اتالعان ساناتتا 5 041 قىلمىستىق ٸس بار. ولاردىڭ ٸشٸندە جاپپاي تەرتٸپسٸزدٸكتەر بويىنشا 49 ٸس, تەرروريزم اكتٸلەرٸنە قاتىستى – 45», - دەدٸ ە. قيلىمجانوۆ.
ونىڭ ايتۋىنشا, شىمكەنت قالاسىنىڭ پروكۋراتۋراسى قيراتۋلار, مٷلٸكتەردٸ جويۋ جەنە اۆتوكٶلٸكتەردٸ ٶرتەگەنٸ ٷشٸن, ياعني جاپپاي تەرتٸپسٸزدٸكتەرگە قاتىسقانى بويىنشا 8 كٷدٸكتٸنٸڭ ٸسٸن سوتقا بەردٸ.
«اتالعان بەينەجازبادا جاپپاي تەرتٸپسٸزدٸكتەر بەينەلەنگەن. قىزىلوردا وبلىسىندا وسى تەكتەس ايىپپەن 7 ادامعا قاتىستى ٸستەر كٸنەنٸ مويىنداۋ تۋرالى پروتسەستٸك كەلٸسٸم جاساۋ ارقىلى سوتقا جٸبەرٸلدٸ. مۇنداي ٸستەردٸڭ سوتتا قارالۋ ەرەكشەلٸكتەرٸ جٶنٸندە حابارلاپ كەتسەم. كٷدٸكتٸ ايىپتاۋعا, دەلەلدەمەلەرگە, كەلتٸرٸلگەن زالالمەن داۋلاسپاعان كەزدە جەنە جازانىڭ تٷرٸ مەن مٶلشەرٸمەن كەلٸسكەن جاعدايدا ونىمەن كٸنەنٸ مويىنداۋ تۋرالى كەلٸسٸم جاسالادى. سوتتا 10 تەۋلٸكتەن اسپايتىن مەرزٸمدە قارالادى جەنە جازانىڭ مٶلشەرٸ وسى باپتىڭ سانكتسيياسىنداعى ەڭ جوعارى مەرزٸمنٸڭ جارتىسىنان اسپايدى. بۇل رەسٸم بويىنشا 3 ادامعا قاتىستى ٷكٸم قابىلدانىپ, ولار بويىنشا باس بوستاندىعىنان ايىرۋعا بايلانىستى ەمەس جازالار تاعايىندالدى», - دەدٸ باس پروكۋراتۋرا ٶكٸلٸ.
