قالادا ٶتەتٸن مارافون كەدەرگٸ مە ەلدە دامۋ جولى ما?

فوتو: almaty-marathon.kz

Ult.kz-تە جيھانكەز جۋرناليست دينارا بولاتتىڭ ٶزگە پايىمى

جىلدان جىلعا قازاق قوعامى سپورتقا بەت بۇرۋدا. ەرينە ەركٸمنٸڭ فيتنەسس زالدارىنا تۇراقتى بارىپ جاتتىعۋعا ۋاقىتى دا, قارجىسى دا جەتە بەرمەس, دەگەنمەن كٶپ ادامنىڭ ەش قىسىمسىز, سانالى تٷردە ٶز بەتٸمەن, ٶزٸنە ىڭعايلى سپورت تٷرٸنە كەلٸپ جاتقانى قۋانتادى. قازٸر قالا ساياباقتارىندا جٷگٸرٸپ, ۆەلوسيپەد تەۋٸپ, ەرەسەكتەرٸ سكانديناۆ تاياقشالارىن الىپ جاياۋ جٷرٸپ بارا جاتقان جىلى كٶرٸنٸستٸ كٷن سايىن كٶرۋگە بولادى.

سالاۋاتتى ٶمٸر سالتى قوعامدىق ٷلگٸگە, قالالىق مەدەنيەتكە اينالىپ كەلەدٸ. ەلٸمٸزدە سپورت سٷيەر جاندار ارتقان سايىن جىل سايىن ولاردىڭ باسىن بٸرٸكتٸرەر, شابىتىنا شابىت قوسار Astana, Almaty مارافوندارى, Ironman سەكٸلدٸ اۋقىمدى شارالار كٶبەيدٸ.

قاتىسۋشى سپورتشىلار ٷشٸن بۇل جىل سايىن ٷلكەن قۋانىش, ەرٸ ٶتە جاۋاپتى كەزەڭ. سپورتشىلار بۇل مۇنداي ماڭىزدى كٷندەرگە بٸرنەشە ايلاپ, جىلداپ دايىندالادى.

فوتو: almaty-marathon.kz

مارافونداعى نەگٸزگٸ مەسەلە

الايدا مۇنداي شارالارعا قاتىستى قوعام تاراپىنان تٷسٸنٸسپەۋشٸلٸكتەر دە كەزدەسەدٸ. ونىڭ نەگٸزگٸسٸ مارافون ٶتەتٸن كٷندەرٸ قالادا پايدا بولاتىن ٷلكەن كەپتەلٸستەر.

بۇل مەسەلەنٸڭ شەشٸمٸ بار. ول ٷشٸن مۇنداي سپورتتىق شارانىنىڭ ۇيىمداستىرۋشىلارى جٷگٸرۋ, ۆەلوسيپەد تەبۋ مارشرۋتتارىن كٶلٸك اعىنى از ورتالىق كٶشەلەرمەن ٶتكٸزۋدٸ جوسپارلاۋلارى كەرەك. ودان بٶلەك حالىققا الدىن الا ەلەۋمەتتٸك جەلٸ, سمس حابارلاما تاراتۋ ارقىلى كٶلٸك قوزعالىسى جابىلاتىن كٶشەلەر, اۆتوبۋستاردىڭ ۋاقىتشا ٶزگەرتٸلگەن قوزعالىس سحەماسىن ەسكەرتسە ٶتە دۇرىس بولار ەدٸ. جىلدان جىلعا مارافون ۇيىمداستىرۋشىلارى بۇرىنعى قاتەلٸكتەردٸ ەسكەرٸپ, سپورتتىق شارالاردى تۇراقتى ٶتكٸزەتٸن ەلەمدٸك مەگا قالالاردان ٷلگٸ الادى دەگەن ٷمٸت بار.

باسقا ەلدەردەگٸ قۇرمەت

ەلەمدٸك قالالار دەمەكشٸ بوستون, نيۋ-يورك پەن توكيو, بەرليندە مارافون ٶتەتٸن كٷندەر ٷلكەن مەرەكە. قالاعا ەرەكشە اتموسفەرا ورنايدى. قالا لايىق بەزەندٸرٸلٸپ, مۋزىكا ويناپ, تۇرعىندار سول سپورتشىلار سەزٸنەتٸن رۋحتى بٸرگە سەزٸنەدٸ. ەر تۇرعىن بالكوننان نەمەسە سپورتشىلارعا ارنالعان جولاقتىڭ بويىندا جانكٷيەر رەتٸندە پلاكات ۇستاپ, نە سۋ بەرٸپ مارافونعا قولداۋ كٶرسەتەدٸ.

ٶزگە پايىم

سپورتتىق شارالار دۇرىس ۇيىمداستىرىلسا قالانىڭ رۋحاني, مەدەني سەرپٸلۋٸنە ٷلكەن سەپتٸك. "بٷگٸن قالادا مارافون ەكەن" دەپ بەيجاي قاراماي, مۇنداي شارالاردى قولداۋ, تٷسٸنۋ جەنە وعان جانكٷيەر, ۆولونتەر, كٶرەرمەن رەتٸندە قاتىسۋ سول قالادا تۇرىپ جاتقان ازاماتتاردىڭ جاڭا, پايدالى ٶزگەرٸستەرگە ساناسى اشىقتىعىن كٶرسەتەدٸ. ۋاقىتشا قولايسىزدىققا قازٸر تٷسٸنٸستٸكپەن قاراپ, قولداپ, بولاشاقتا ناعىز سپورت مەدەنيەتٸ قالىپتاسقان قالالار بەدەلٸن قالىپتاستىرۋعا بولادى.

دينارا بولات